Սինգապուրում Հայաստանի նորանշանակ դեսպանն իր հավատարմագրերը հանձնեց երկրի նախագահին28 մայիսի 2010 - 16:49 AMT PanARMENIAN.Net - Մայիսի 27-ին Սինգապուրում Հայաստանի դեսպան Արմեն Սարգսյանը (նստավայրը` Պեկին) իր հավատարմագրերը հանձնեց Սինգապուրի նախագահ Սելապան Ռամանաթանին: Հավատարմագրերի հանձնման արարողությանը հաջորդած հանդիպման ընթացքում նախագահ Սելապան Ռամանաթանը հաջողություն մաղթեց Սինգապուրում Հայաստանի առաջին դեսպանին և համոզմունք հայտնեց, որ իր առաքելությամբ նա նոր լիցք կհաղորդի երկու երկրների միջև առկա բարեկամական հարաբերություններին: Խոսելով երկկողմ համագործակցության հետագա զարգացման հնարավորությունների մասին` ՀՀ նորանշանակ դեսպանը շեշտեց Հայաստանի և Սինգապուրի գործարար շրջանակների միջեւ անմիջական կապեր հաստատելու անհրաժեշտությունը: Նշվեց նաև Սինգապուրի հարուստ փորձի օգտագործման կարևորությունը ՀՀ տնտեսական զարգացման և հասարակական ինստիտուտների ամրապնդման գործընթացներում: Երկուստեք ընդգծվեց քաղաքական երկխոսության ակտիվացման և տարբեր մակարդակի փոխայցելությունների կազմակերպման անհրաժեշտությունը: Դեսպան Սարգսյանը Սինգապուրի նախագահին համառոտ ներկայացրեց Հայաստանի արտաքին քաղաքականության առաջնայնությունները, խոսեց տարածաշրջանային խնդիրների, հարեւան պետությունների հետ առկա հարաբերությունների մասին: Զրույցի ընթացքում նախագահ Ռամանաթանը անդրադարձավ Սինգապուրի պատմության մեջ հայազգի գործիչների ունեցած բացառիկ դերակատարությանը: Խոսելով երկու ժողովուրդների միջեւ նաև մշակութային կապեր հաստատելու անհրաժեշտության մասին` նա առաջարկեց քայլեր ձեռնարկել մշակութային փոխանակումներն ակտիվացնելու ուղղությամբ, հաղորդում է ՀՀ ԱԳՆ մամլո ծառայությունը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Ըստ ՄԱԿ–ում Թուրքիայի ներկայացուցչի՝ Հայաստանը ճիշտ ճանապարհով է շարժվում «Ադրբեջանական գյուղերի վերադարձը տարածաշրջանում խաղաղության վերականգնման առանցքային գործոն է»,–ասել է նա Հանրայինն արգենտինացիների հետ համատեղ սերիալ կնկարահանի Արգենտինայի հաղորդակցությունների պետական մարմնի հետ համագործակցության պայմանագիր է կնքվել ՔՊ–ական պատգամավոր․ «Շողակաթը» ի՞նչ հեռուստաընկերություն է, ո՞ւմ է պատկանում, ի՞նչ պիտի եթեր տա Հակոբյանը պատասխանել, որ կարծում են, որ ալիքի եկեղեցական բաղադրիչը պետք է նվազեցվի Միրզոյանը՝ ՀԱՊԿ–ի մասին․ Չենք ուզում մաս կազմել չաշխատող մեխանիզմի «Մենք դեռ ՀԱՊԿ անդամ ենք, բայց պետք է աշխատենք, որ բոլոր մեխանիզմները գործեն»,–ասել է նա |