Հայաստանում շահումով խաղի ոլորտում գանձված տուգանքը 2010թ. առաջին հինգ ամսում կազմել է 7,4 մլն դրամ

3 հունիսի 2010 - 17:43 AMT

PanARMENIAN.Net -

ՀՀ ֆինանսների նախարարությունը 2010 թվականի հունվար-մայիս ամիսների ընթացքում տրամադրել է 9 շահումով խաղի և 1 խաղատան կազմակերպման լիցենզիա, 9 շահումով խաղի և 1 խաղատան կազմակերպման արտոնագրերն ուժը կորցրած է ճանաչել: Նույն ժամանակահատվածում 12 շահումով խաղի, 3 խաղատան և 1 վիճակախաղի կազմակերպման արտոնագրերի գործողությունը կասեցվել է:

Ընթացիկ տարվա առաջին հինգ ամիսների տվյալներով խաղատան, շահումով խաղի և վիճակախաղի կազմակերպիչների նկատմամբ կիրառվել է տուգանք` համապատասխանաբար 3մլն 600 000, 3 մլն 300 000 և 500 000 դրամի չափով: Նախազգուշացում է կիրառվել 6 շահումով խաղի, 2 խաղատան և 1 վիճակախաղի կազմակերպման արտոնագրերի նկատմամբ: Հունվար-մայիս ամիսների ընթացքում այս ոլորտից օրենքով սահմանված կարգով գանձվել է 195 մլն դրամի չափով պետական տուրք, որից 145 մլն դրամը` շահումով խաղերի, 50 մլն դրամը` խաղատների գծով:

Հունիսի 1-ի դրությամբ ՀՀ տարածքում ուժի մեջ են 97 շահումով խաղի, 12 խաղատան և 4 վիճակախաղի կազմակերպման արտոնագրեր: Այս մասին հաղորդում է ՀՀ ֆինանսների նախարարության տեղեկատվության և հասարակայնության հետ կապերի բաժինը:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով