«Ես կարծում եմ, որ Աղասի Այվազյանը լիարժեք չի գնահատվել, այդ պատճառով բացի բուն նպատակից, Ա.Այվազյանի դրամատուրգիայի փառատոնը պետք է հայերին ցույց տա, թե ինչ հարստություն ունեն հանձին Այվազյանի», - հայտարարել է Աղասի Այվազյանի դրամատուրգիայի փառատոնի հեղինակ և նախագահ, դրամատուրգի այրի Գրետա Վերդյան-Այվազյանը:
Փառատոնն անցկացվելու է հոկտեմբերի 18-28-ը, մասնակցելու են մոտ 11 հայկական թատրոններ: Փառատոնը սահմանելու է մրցանակներ, անվանակարգեր, դիպլոմներ:
Փառատոնի հանձնաժողովի կազմում են քննադատներ և գրականագետներ, իսկ պատվավոր անդամներն են` Սոս Սարգսյանը, Զորի Բալայանը, Արմեն Ջիգարխանյանը, Պերճ Զեյթունցյանը, Տիգրան Մանսուրյանը և այլք: Հանձնաժողովի նախագահը Հ. Թումանյանի անվան Երևանի պետական տիկնիկային թատրոնի գեղարվեստական ղեկավար Ռուբեն Բաբայանն է:
