Հայաստանի արտարժույթի շուկայում ընթացիկ տարում ոչ մի անսովոր բան չի կատարվում, միտումները կանխատեսելի են, իսկ մարտի վերջում արդեն կարելի էր տեսնել, որ կլինի դրամի որոշակի արժեզրկում, ինչը պայմանավորված է Կենտրոնական բանկի զսպող քաղաքականությամբ, որը հանգեցրեց ազգային արժույթի պահանջարկի բարձրացմանը և համապատասխանաբար դրամի ամրապնդմանը: Այդ մասին հւնիսի 4-ին Երևանում տեղի ունեցած մամլո ասուլիսում հայտարարել է ՀՀ ԿԲ նախկին նախագահ Բագրատ Ասատրյանը: «Ըստ իս, տվյալ մեխանիզմները պետք է աշխատեին և դրամի արժևորումը մայիսի վերջում և հունիսի սկզբին անբացատրելի է»,-ասել է նա: Ընդ որում, մասնագետը հավելել է, որ Հայաստանի տնտեսության մեջ կան բազմաթիվ անբացատրելի երևույթներ, որոնք դուրս են գալիս տնտեսական տրամաբանության շրջանակներից: