Թողարկման է պատրաստվում Armenian PowerSpell 2010 ծրագրի նոր տարբերակը

PanARMENIAN.Net - Թողարկման է պատրաստվում Armenian PowerSpell 2010 ծրագրի նոր տարբերակը, որի օգնությամբ կարելի է աշխատել ոչ միայն Microsoft Word, այլև MS Excel ծրագրով: Armenian PowerSpell ծրագիրը թողարկվել է 2009 թվականին: Հայոց լեզվի քերականությունը ստուգող ծրագիրը (spellchecker) համատեղելի է Microsoft Word տեքստի խմբագրի հետ և ճանաչում է Armenian Standard և Unicode կոդավորումները: Ծրագիրը 600000 հայերեն բառ և բառաձև է պարունակում բառարանում: «Այս ծրագիրը բխում է ինչպես կոմերցիոն, այնպես էլ քաղաքական շահերից: Մարդն ավելի արդյունավետ է մտածում մայրենի լեզվով, այս ծրագիրը կօգնի կատարելագործելու հայերենը, քանի որ ազգի գրագիտությունը ռազմավարական խնդիր է»,- PanARMENIAN.Net ի թղթակցի հետ զրույցում հայտնել է Armenian PowerSpell նախագծի ղեկավար Հայկ Պապյանը:

Ծրագիրն օգտագործում են նաև Հայաստանի Կենտրոնական բանկը, տարբեր նախարարություններ: Ծրագիրը Հայաստանում բեռնվել է 1200 համակարգիչների վրա: Ներկա պահին խումբն աշխատում է Armenian PowerDic զուգահեռ բառարանի վրա` հայերեն, ռուսերեն և անգլերեն լեզուների համար, որն իր մեջ նաև քերականության ստուգման ու նույնանման բառերի հայտնաբերման ծրագիր է պարունակում:

 Ուշագրավ
Krisp-ը 1 տարվա ընթացքում 0-ից 600 կորպորատիվ բաժանորդ է ձեռք բերել
«Չհամաձայնվելու դեպքում հստակ հայտնել են, որ ինձ մեղադրելու են առանձնապես ծանր հանցագործության մեջ և կալանավորելու»,- ասվում է հայտարարության մեջ
Facebook-ում նոր էմոցիան գրկախառնվող սմայլիկի տեսք կունենա
Նրանք հայտնել են, որ Ucom-ի 843 աշխատակից ազատման դիմում են գրել