ԱՊՀ և Բալթիայի երկրների Պարտատոմսերի VII կոնգրեսը կանցնի Երևանում

10 հունիսի 2010 - 12:23 AMT

PanARMENIAN.Net - 2010 թվականի հուլիսի 1-2 Երևանում տեղի կունենա ԱՊՀ և Բալթիայի երկրների Պարտատոմսերի VII կոնգրեսը, որի կազմակերպիչն է Cbonds լրատվական գործակալությունը` ՆԱՍԴԱԿ ՕԷՄԷՔՍ Արմենիա ֆոնդային բորսայի աջակցությամբ: Ինչպես ասվում է բորսայի հաղորդագրության մեջ, պարտատոմսերի կոնգրեսն անց է կացվում 2004թ. ի վեր Համագործակցության անդամ երիրներից մեկի ֆինանսական կենտրոնում, որին մասնակցում են շուկայի մասնագետներ ԱՊՀ և Բալթիայի բոլոր երկրներից:

Երևանում Պարտատոմսերի կոնգրեսի անցկացման նպատակը Բալթիայի և ԱՊՀ երկրներում պարտքերի շուկայի արդի խնդիրների քննարկումն է այդ շուկայի անմիջական մասնակիցների կողմից, փորձի փոխանակումը, նոր գործարար կապերի հաստատումը: Ինչպես նաև պարտատոմսերի շուկայի ներկայացումը միջազգային հանրությանը և ներդրումային շահի աշխուժացումը Հայաստանի կապիտալի այս հատվածում:

Պարտատոմսերի VII կոնգրեսի հիմնական թեմաները կլինեն Հայաստանում ֆոնդային շուկայի զարգացումը, հետճգնաժամային շրջանը համաշխարհային ֆինանսական շուկաներում, Ռուսաստանի, Ուկրաինայի, Վրաստանի, Բելառուսի, Ղազախստանի և Բալթիայի երկրների պարտատոմսերի շուկաները: Արտաքին և ներքին շուկաներին առնչվող հարցերին նվիրված Կլոր սեղանի ժամանակ մասնակիցները կքննարկեն էմիտենտների ու ներդրողների շահերն ու գերակայություններն այդ ոլորտում: Նախատեսվում է, որ կոնգրեսին կմասնակցեն ԱՊՀ և Բալթիայի երկրների կապիտալի շուկաների շուրջ 200 պրոֆեսիոնալ մասնակիցներ:

ԱՍԴԱՔ ՕԷՄԷՔՍ ԱՐՄԵՆԻԱ

ԱՍԴԱՔ ՕԷՄԷՔՍ ԱՐՄԵՆԻԱ ԲԲԸ-ն (մինչեւ 2009 թ-ի հունվարի 27-ը գործել է որպես «Հայկական ֆոնդային բորսա») հիմնադրվել է 2001 թ-ն, որպես ինքնակառավարվող կազմակերպություն 21 բրոկերային կազմակերպությունների կամավոր միավորումների հիման վրա: 2007 թ-ի նոյեմբերին բորսան վերակազմավորվել է ԲԲԸ: 2008 թ-ի հունվարի 7-ց ընկերությունը ՆԱՍԴԱՔ ՕԷՄԷՔՍ ԱՐՄԵՆԻԱ ֆոնդային բորսայի բաժնետոմսերի 100%-ց սեփականատեր է: 2009 թ-ի հունիսի 5-ն Հայաստանի կենտրոնական դեպոզիտարի բաժնետոմսերի 100%-ց սեփականատեր է:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով