ՀՀ ԱԺ-ում օրինագծի քննարկումը կարող է սկանդալի վերածվել
ՀՅԴ խմբակցությունը, համաձայն ՀՀ ԱԺ կանոնակարգի, հերթական ընդմիջումն է վերցրել «Լեզվի մասին» և «Հեռահաղորդակցության մասին» օրենքներում փոփոխություններ կատարելու օրինագծի քննարկման ընթացքում: Ինչպես հաղորդում է PanARMENIAN.Net-ի խորհրդարանական թղթակիցը, ՀՀ ԱԺ նախագահ Հովիկ Աբրահամյանը հանդես է եկել «անվերջ ընդմիջումների» դեմ: « Եթե ինչ-որ մեկը փորձի խանգարել խորհրդարանի աշխատանքին, ապա ես կխափանեմ անհաջողության դատապարտված այդ փորձերը»,- ասել է նա:
«Կուսակցություններից ոչ մեկը շիզոֆրենիայով հիվանդ չէ, որպեսզի խանգարի խորհրդարանի աշխատանքին: Եթե ես ցանկանայի խափանել խորհրդարանի աշխատանքը, ապա կկանգնեի ամբիոնի մոտ ու չէի իջնի: Ինձ կիջեցնեին միայն ոստիկանները»,- խոսնակի հայտարարությանը պատասխանել է Վահան Հովհաննիսյանը:
