Մի խումբ ավստրիացի գործարարներ ճանաչողական այց կկատարեն Հայաստան

10 հունիսի 2010 - 19:10 AMT

PanARMENIAN.Net - Հունիսի 10-ին ՀՀ էկոնոմիկայի նախարար Ներսես Երիցյանն ընդունել է ՀՀ-ում Ավստրիայի Հանրապետության նորանշանակ արտակարգ և լիազոր դեսպան Միխաել Փոսթլին: Ինչպես հաղորդում է ՀՀ Էկոնոմիկայի նախարարության մամլո ծառայությունը, հանդիպման ընթացքում Ավստրիայի դեսպանը վստահեցրել է, որ իր գործունեությամբ կնպաստի հայ-ավստրիական տնտեսական և գործարար հարաբերություններում նոր հնարավորություններ փնտրելու գործընթացին: Նա նաև տեղեկացրել է, որ այս տարվա հունիսին նախատեսվում է ավստրիացի մի խումբ գործարարների ճանաչողական այց Հայաստան:

Զրույցի ընթացքում էկոնոմիկայի նախարարը, կարևորելով ԵՄ-ի հետ համագործակցության ընդլայնումը, անդրադարձել է ԵՄ-ի հետ Խորը և համապարփակ ազատ առևտրի համաձայնագրի շուրջ բանակցային գործընթացի և Ասոցացված համաձայնագրի առնչությամբ օրենքի մոտարկման, հարկային և մաքսային, սանիտարական և բուսասանիտարական, որակի ենթակառուցվածքների և այլ առաջնահերթ խնդիրներին: Նա նաև ընդգծել է զբոսաշրջության բնագավառում համագործակցության և փորձի փոխանակման հնարավորությունները:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով