  Հայաստանը մտադիր է դեսպանություն բացել սկանդինավյան տարածաշրջանում 11 հունիսի 2010 - 18:47 AMT PanARMENIAN.Net - Հունիսի 11-ին կայացավ ԱԳ նախարար Էդվարդ Նալբանդյանի եւ աշխատանքային այցով Հայաստան ժամանած Ֆինլանդիայի Հանրապետության արտգործնախարար Ալեքսանդր Ստուբի հանդիպումը: Նախարար Նալբանդյանը ողջունեց Ալեքսանդր Ստուբի գլխավորած պատվիրակության այցը Հայաստան` նշելով, որ այն լավ հնարավորություն է երկկողմ օրակարգի և համագործակցության հեռանկարները քննարկելու համար: Էդվարդ Նալբանդյանն ընդգծեց, որ Հայաստանը կարևորում է Ֆինլանդիայի և սկանդինավյան տարածաշրջանի հետ բազմաոլորտ և փոխշահավետ գործակցության զարգացումը եւ այդ նպատակով օրակարգում է տարածաշրջանում Հայաստանի դեսպանության հիմնումը: «Մենք տեսնում ենք Ֆինլանդիան` որպես վստահելի գործընկեր և ցանկանում ենք խորացնել մեր քաղաքական երկխոսությունը կանոնավոր խորհրդակցությունների և միջազգային կազմակերպություններում ակտիվ համագործակցության միջոցով», - ասաց ՀայաստանիԱԳ նախարարը: Ալեքսանդր Ստուբը նշեց, որ ուրախ է այցելել Հայաստան եւ շարունակել շուրջ երկու տարի առաջ սկսված երկխոսությունը տարբեր բնագավառներում համագործակցության զարգացման ուղղությամբ:
Նախարարներ Նալբանդյանն ու Ստուբը գոհունակությամբ արձանագրեցին համապարփակ համագործակցությունը զարգացնելու փոխադարձ շահագրգռվածությունը` ընդգծելով, որ դրա համար առկա է անհրաժեշտ քաղաքական կամք եւ լավ նախադրյալներ: Հայաստանի եւ Ֆինլանդիայի արտաքին քաղաքական գերատեսչությունների ղեկավարներն անդրադարձան Հայաստանի եւ Եվրոպական Միության միջեւ համագործակցությանը: Զրույցի ընթացքում հանգամանալից քննարկվեցին հայ-թուրքական հարաբերությունների կարգավորմանն առնչվող հարցեր, մտքեր փոխանակվեցին մի շարք միջազգային եւ տարածաշրջանային խնդիրների վերաբերյալ, ներառյալ` արցախյան հիմնախնդրի հանգուցալուծմանն ուղղված բանակցային գործընթացի վերջին զարգացումները, հաղորդում է ՀՀ ԱԳՆ մամլո ծառայությունը:   Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին   Ամենաընթերցվողը բաժնում |  Վերջին լուրեր Կինոյի զարգացմանն ուղղված գործընթացները կկանոնակարգվեն  «Հայաստանի ազգային կինոկենտրոնը» կվերակազմավորվի «Հայաստանի կինոյի հիմնադրամի»Փաշինյան․ Ոստիկանությունն ուժ գործադրելու լեգիտիմ իրավունք պետք է ունենա ՀՀ-ում ոստիկանության գվարդիա է ստեղծվում, օրենքն ուժի մեջ կմտնի սեպտեմբերի 1-ինՎրաստանի խորհրդարանն ընդունել է «օտարերկրյա գործակալների մասին» օրենքը․ Զուրաբիշվիլին ասել է՝ վետո կդնի Վրաստանը պետք է կատարի ընտրություններում՝ Եվրոպա կամ Ռուսաստան», - ընդգծել է ԶուրաբիշվիլինTeam-ը՝ Թումոյի գլխավոր տեխնոլոգիական գործընկերը ՀՀ-ում Ընկերությունը 50% զեղչով ինտերնետ կտրամադրի Հայաստանում գործող և հետագայում բացվող Թումո կենտրոններին |
