System of a Down խմբի նախկին մենակատարի համերգը կկայանա օգոստոսի 12-ին: Այդ մասին հայտարարել է DEEM Communications ընկերության ղեկավար Րաֆֆի Նիզիբլյանը: Նրա խոսքերով, նախատեսվում է ընդամենը մեկ համերգ` կապված երգչի հագեցած գրաֆիկի հետ: Մենահամերգի ժամանակ երգիչը հիմնականում կներկայացնի երգեր Elect the Dead ալբոմից և նոր ալբոմից: «Սակայն համերգի ծրագիրը դեռ վերջնականապես կազմված չէ, և եթե Սերժ Թանկյանը ցանկանա, ապա կարող է երգել նաև հին երգեր»,- PanARMENIAN.Net-ի թղթակցի հետ զրույցում ասել է Րաֆֆի Նիզիբլյանը: Համերգի ժամանակ երգչին ուղեկցելու են նրա խմբի 6 անդամներ, նրանց կնվագակցեն տեղի երաժիշտները:

Ինչպես խոստանում են համերգի կազմակերպիչները, Րաֆֆի Նիզիբլյանը և Fugitive Studios (ԱՄՆ) ընկերության ներկայացուցիչ Արմեն Գուբելյանը, համերգը խոստանում է անմոռանալի լինել: Այն տեղի կունենա «Elect the Dead» ալբոմի պրոմո-շրջագայության շրջանակներում: Համերգը տեղի կունենա ՎիվաՍել-ՄՏՍ-ի աջակցությամբ: