Արմեն Աշոտյան. Մեր գլխավոր նպատակը հատուկ հանրակրթական համակարգում սովորող երեխաների իրավունքների պաշտպանությունն է22 հունիսի 2010 - 19:20 AMT PanARMENIAN.Net - Հայաստանի կրթության և գիտության նախարար Արմեն Աշոտյանը հունիսի 22-ին հանդիպել է ԿԳՆ հատուկ հանրակրթական ուսումնական հաստատություններում մշտադիտարկում իրականացնող հասարակական խորհրդի անդամների և հատուկ դպրոցների տնօրենների հետ: Ողջունելով հավաքվածներին` նախարարը նշել է, որ նախարարություն - տնօրեն - հասարակական խորհուրդ համատեղ աշխատանքը միտված է մեկ ընդհանուր նպատակի` հատուկ հանրակրթական համակարգում սովորող երեխաների իրավունքների պաշտպանության, այդ թվում նաև կրթության իրավունքի ապահովմանը: «Այս խնդիրն այսօր միակը չէ, որ արդիական է: Կան բազում այլ խնդիրներ, որոնց լուծման տարբերակները նախարարությունը պատկերացնում է քաղաքացիական երկխոսության միջոցով: Մեր առաքելությունը մեկն է` երեխայի իրավունքների պաշտպանություն, սակայն այդ առաքելության իրականացման մեջ յուրաքանչյուրս ունենք մեր պարտավորությունները»,- նշել է նախարարը` հավելելով, որ այս գործընթացում տնօրենների պարտքն է ապահովել պետական քաղաքականության իրականացումը: Նախարարի խոսքով, նպատակն այն է, որ նոր ուսումնական տարում արձանագրվի, որ հատուկ կրթության ոլորտն ավելի թափանցիկ է, ավելի արդյունավետ է աշխատում, և նախարարությունը, իր լիազորությունների ողջ ծավալով, հետևում է յուրաքանչյուր երեխայի ճակատագրին: Հասարակական դիտորդների խմբի ղեկավար Արտակ Կիրակոսյանը նախարարին տեղեկացրել է, որ օրերս կայացել է խմբի առաջին արտագնա եռօրյա նիստը, որի ընթացքում ի թիվս այլ խնդիրների, քննարկվել է նաև մշտադիտարկում իրականացնողների էթիկայի կանոնների ապահովման հարցը: Նա վստահեցրել է, որ առանց համապատասխան վերապատրաստման խմբի ոչ մի անդամ իրավունք չի ունենա մուտք գործել դպրոց: Այդ նպատակով հուլիս ամսին ՄԱԿ-ի մանկական հիմնադրամի աջակցությամբ նախատեսվում է իրականացնել վերապատրաստման դասընթացներ: Դպրոցների տնօրենների կարծիքով, դիտորդական խմբի հետ համագործակցությունը կտա իր պտուղները` միայն դպրոցների տնօրենների, դիտորդական խմբի ու կրթության և գիտության նախարարության միջև փոխադարձ վստահության և համատեղ աշխատանքի պարագայում: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Չիլիում ապրիլի 24-ը հայտարարվել է Հայոց ցեղասպանության զոհերի հիշատակի ազգային օր Պատգամավորների պալատը հավանություն է տվել Թավրիզում ՀՀ հյուպատոսություն կբացվի Նշվում է, որ ՀՀ–ն քայլեր է ձեռնարկելու Իրանի հետ առանձնահատուկ հարաբերությունների հետագա զարգացումն ապահովելու ուղղությամբ Կիրակոսյանը՝ Հաագայում․ ՄԱԿ ԱԽ-ն ու Եվրոպական դատարանը երբևէ չեն վճռել, որ ՀՀ-ն օկուպացրել է ԼՂ-ն Նա ներկայացրել է առարկություններն Ադրբեջանի ներկայացրած պահանջների նկատմամբ Ապրիլի 28–ին մայրաքաղաքում փակ փողոցներ կլինեն․ «Երևանի մարաթոնն» է Նախատեսվում է, որ միջոցառմանը կմասնակցի մոտ 2000 վազորդ |