«Օրենքի գերակայություն. Պայքարն անդրազգային հանցավորության և կոռուպցիայի դեմ» թեմայով ԵԱՀԿ ԽՎ 19-րդ նիստը տեղի կունենա հուլիսի 6-10 Օսլոյում: Ինչպես ասվում է ԵԱՀԿ ԽՎ պաշտոնական կայքում զետեղված հաղորդագրության մեջ, նստաշրջանի աշխատանքին կմասնակցեն շուրջ 300 խորհրդարանականներ ԵԱՀԿ 56 երկրներից:
Նստաշրջանի ընթացքում ԵԱՀԿ ԽՎ երեք կոմիտեներում կքննարկվեն թեմային առնչվող բանաձևերը, ինչպես նաև 35 լրացուցիչ կետեր, որոնք վերաբերում են կլիմայի փոփխությանը, մերձավորարևելյան խաղաղ գործընթացին, միջուկային անվտնագությանը, կիբերհանցավորությանը և Ղրղզստանի իրավիճակին: Նստաշրջանն կավարտվի Օսլոյում ամփոփիչ հռչակագրի ընդունմամբ:
Զեկույցներով հանդես կգան ԵԱՀԿ ԽՎ նախագահ Ժոաո Սոարեշը, Նորվեգիայի խորհրդարանի խոսնակ Դագ Տերիե Անդերսենը, Նորվեգիայի ԱԳՆ ղեկավար Յոնաս Գար Ստերեն և ԵԱՀԿ գլխավոր քարտուղար Մարկ Պերեն դը Բրիշամբոն: 19-րդ նստաշրջանում կընտրվի ԵԱՀԿ ԽՎ նոր նախագահը:
Ինչպես PanARMENIAN.Net-ի թղթակցի հետ զրույցում հայտարարել է ԵԱՀԿ ԽՎ-ում հայկական պատվիրակության անդամ, ՀՀ ԱԺ պատգամավոր Արտակ Դավթյանը, հայ խորհրդարանականները մտադիր են ակտիվ մասնակցություն ունենալ նստաշրջանին:
