Auto group. Հայաստանի ավտոշուկան զարգացման հսկայական հեռանկարներ ունի 3 հուլիսի 2010 - 14:49 AMT PanARMENIAN.Net - Առաջին անգամ Երևանում մեկնարկել է AUTO SHOW EXPO-2010 ցուցահանդեսը, որը կանցնի հուլիսի 3-5-ը: «Ցուցահանդեսն արդյունաբերական բնույթ չի կրում, սակայն այն թույլ կտա Երևանի բնակիչներին ծանոթանալ համաշխարհային մեքենաշինության նմուշներին, Հայաստանի ավտոշուկային»,-ցուցահանդեսի բացմանն ասել է ՀՀ էկոնոմիկայի նախարարության առևտրի ու արդյունավետ շուկաների վարչության պետ Գագիկ Քոչարյանը: Ինչպես PanARMENIAN.Net ին է ասել Auto group ընկերության («Կարկոմավտո», «Մուրան») մարքեթինգի բաժնի ղեկավար Աննա Քեշյանը, այս ցուցահանդեսը մի փոքր «աղքատ է», սակայն այն չափազանց կարևոր է, քանի որ Հայաստանում ավտոմեքենաների մեծ պահանջարկ կա և զարգացման մեծ հեռանկարներ: «Հայաստանի պես նման փոքր շուկայի համար երկրում բավականաչափ ներկայացված են մեքենաշինության հայտնի բրենդերը: Միայն մեր ընկերությունը 15 բրենդ է ներկայացնում»,-ասել է նա: Աննա Քեշյանը գտնում է, որ ոլորտի բոլոր ներկայացուցիչները պետք է նպաստեն նման ցուցահանդեսների կազմակերպմանը Հայաստանում` միջազգային մակարդակին հասնելու համար: «Ցավոք, նման ցուցահանդես առաջին անգամ է կազմակերպվում Հայաստանում, այն դեպքում, երբ մյուս երկրներում դրանք վաղուց են կազմակերպվում և հարուստ ու վառ շոուներ են»,-հավելել է նա: Ցուցահանդեսում ներկայացված են օրիգինալ ու բացառիկ ավտոցուցանմուշներ: Հիմնական թեմատիկ բաժիններն են ավտոսրահը, մոտոսրահը, տեխնիկական սպասարկումը, ավտոտյունինգը, ավտոմեքենաների վարձույթը, պահեստամասերը, ավտոքիմիան, տրանսպորտը, բեռնափոխադրումները, ուղևորափոխադրումները, ավտոսպասարկումը, ավտովարկավորումը:
Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |