ԱՄՆ պետքարտուղար Հիլարի Քլինթոնը Հայաստան կատարած իր այցի շրջանակներում չանդրադարձավ մարտի 1-ի դեպքերին և քաղբանտարկյալների հարցին, քանի որ այցի օրակարգում դա ներառված չէր: Այս մասին այսօր Երևանում կայացած մամլո ասուլիսում հայտարարել է «Ժառանգություն» խմբակցության ղեկավար Ստեփան Սաֆարյանը` հավելելով, որ Հիլարի Քլինթոնն անդրադարձավ ՀՀ-ում ժողովրդավարության խնդիրներին, անգամ վերջերս ընդունված Հեռուստատեսության և ռադիոյի մասին օրինագծին, որն անուղղակիորեն առնչվում է այդ խնդիրներին: Այն, որ Քլինթոնն ուղղակիորեն չանդրադարձավ այդ խնդիրներին, վկայում է այն մասին, որ գոյություն ունեն տարածաշրջանային շահեր:
Պատասխանելով այն հարցին, թե ինչու Քլինթոնը Հայաստանում և Ադրբեջանում չհանդիպեց ընդդիմության հետ, ի տարբերություն Վրաստանի և Ուկրաինայի, Սաֆարյանը նշեց, որ Ուկրաինան և Վրաստանը Եվրաատլանտյան ինտեգրման ուղին բռնած երկրներ են` ի տարբերություն Հայաստանի և Ադրբեջանի: