Թբիլիսիում հուլիսի 7-ին նախատեսվում է Հայաստանի, Վրաստանի, Ադրբեջանի միջև լեռնադահուկային զբոսաշրջության զարգացման մասին համաձայնագրի ստորագրում: Ինչպես հաղորդում է «Բիզնես Գրուզիան», համաձայնագիրը ենթադրում է այդ ոլորտի զարգացում միանման չափորոշիչներով:

Համաձայնագիրը կստորագրվի Թբիլիսիում կայանալիք Հարավային Կովկասում լեռնաառողջարանային կենտրոնների զարգացման մասին երկօրյա համաժողովի արդյունքում:

Համաժողովին հրավիրվել են Հայաստանի և Ադրբեջանի էկոնոմիկայի նախարարությունների և զբոսաշրջության բաժանմունքների ներկայացուցիչներ: Միջոցառումը նպատակ ունի ծանոթանալ ավստրիական Ինսբրուկի փորձի հետ մարքեթինգի կառավարման և լեռնադահուկային զբոսաշրջության կենտրոնների պլանավորման ոլորտում: