«ԱՄՆ պետքարտուղար Հիլարի Քլինթոնի այցի վերաբերյալ մեկնաբանությունները դեպի Հայոց ցեղասպանության զոհերի հուշահամալիր կատարած «մասնավոր» այցելության առնչությամբ կարելի է կիսել երկու հիմնական կարգի»,- PanARMENIAN.Net-ի թղթակցին է հայտնել Ամերիկայի Հայ Դատի Հանձնախմբի (ԱՀԴՀ) գործադիր տնօրեն Արամ Համբարյանը:
Նրա խոսքով, «մասնավոր» այցելությունը սահմանափակում է Հայոց ցեղասպանությունը հերքելու` թուրքական կառավարության քարոզարշավն ու ստի և ատելության ողջ այն հավաքածուն, որով այն ուղեկցվում է: «Իհարկե, պետքարտուղարի այցելությունը Հայոց ցեղասպանության զոհերի հուշահամալիր արդեն առաջընթաց է, բայց ոչ բավականաչափ, սակայն այն կարելի է ողջունել: Երկրորդը, Ամերիկայի հայ համայնքը գտնում է, որ ամերիկյան գաղափարների բարձր իդեալներն ու Հայաստանի արժանապատվությունը պահանջում են, որպեսզի ճշմարտության, արդարության սկզբունքների վերաբերյալ պետքարտուղարի ու նախագահի բազմակի խոստումներն իրականացվեն: Ելնելով դրանից` պետքարտուղարը չարդարացրեց մեր հույսերը, ինչպես նաև, իսկ դա կարևոր է, չկատարեց իր սեփական հրապարակային պարտավորությունները: Կրկնում եմ ևս մեկ անգամ. Նա ուրացավ իր խոստումները, և ոչ թե միայն մեր սպասումները: Այդ տարբերությունը ԱՄՆ պետքարտուղարն ու նախագահը շատ լավ հասկանում են: Ամերիկայի, Հայաստանի կամ աշխարհի այլ երկրների հայերն այդ իրողությունն անտեսելու ոչ մի պարտավորություն չունեն` ոչ բարոյական, ոչ դիվանագիտական»,- ասել է նա:
Արամ Համբարյանն ընդգծել է, որ կա հարցի պարզ լուծում` Հայոց ցեղասպանության ճանաչում ԱՄՆ պետքարտուղարի և նախագահի կողմից:
