  Հայաստանում 2011-2015թթ. գյուղական կարողությունների ստեղծման համար կներդրվի շուրջ 50 մլն դոլար 13 հուլիսի 2010 - 11:44 AMT PanARMENIAN.Net - Հայաստանում «Գյուղական կարողությունների ստեղծման ծրագրի» իրագործման համար 2011-2015թթ. ընթացքում կներդրվի շուրջ 50 մլն դոլար: Այդ մասին լրագրողներին հուլիսի 13-ին հայտնել է ՀՀ գյուղատնտեսության նախարար Գերասիմ Ալավերդյանը Երևանում մեկնարկած աշխատանքային սեմինարի ընթացքում` նվիրված այդ ծրագրի քննարկմանը: «Այսօրվա աշխատանքային սեմինարում տվյալ ծրագիրը կներկայացվի բոլոր շահագրգիռ կողմերին` գոյություն ունեցող թերությունները հարթելու և առաջարկություններն ու լրացումները հաշվի առնելու համար, ինչը թույլ կտա ապահովել նրա արդյունավետությունը»,- ասել է նա: Նախարարության ղեկավարի խոսքերով, OPEC և ՀՀ կառավարության միջոցներով ֆինանսավորվող ծրագիրը կազմված է երկու բաղադրիչներից. պտղաբուծության զարգացում և ընկուզենիների աճեցում (12 մլն դոլար) և Հայաստանի գյուղական համայնքներում ենթակառուցվածքների զարգացում (37 մլն դոլար): Գերասիմ Ալավերդյանը հաղորդեց, որ ծրագիրը կստորագրվի մոտ օրերը: «Կարճ ժամանակում կկատարվեն կազմակերպչական աշխատանքները 2011-ից դրա իրագործումը սկսելու համար»,- ասել է նա: «Գյուղական կարողությունների ստեղծման ծրագիրը» մեկնարկում է Տավուշում, Վայոց Ձորում և Արագածոտնում, որտեղ արդեն անցկացվել են հետազոտական աշխատանքներ և մոնիտորինգ: «Այդ մարզերում կան անհրաժեշտ նախադրյալներ գյուղատնտեսության զարգացման համար, իսկ դրանց ընտրությունը պայմանավորված է նրանով, որ առավել բարենպաստ պայմաններ կան ծիրանենի և ընկուզենի աճեցնելու համար»,- ասել է նախարարը: Գ. Ալավերդյանը հավելեց, որ այն ծրագրերը, որոնք ՀՀ կառավարությունն իրագործում է միջազգային կառույցների աջակցությամբ` ՄԱԿ Գյուղատնտեսական զարգացման միջազգային հիմնադրամը (IFAD) և Նավթարդյունաբերող երկրների կազմակերպության միջազգային զարգացման հիմնադրամը (OPEC), դրական արդյունքներ են տալիս, մասնավորապես, Հայաստանի մարզերի գազաֆիկացման, ոռոգման համակարգերի վերականգնման, խմելու ջրի համակարգի, գյուղական ճանապարհների վերականգնման ոլորտներում: «Այսօր արդեն ավելի քան 100 համայնք գազաֆիկացված է, 24-ն ունի խմելու և ոռոգման ջրերի համակարգ, 14-ում իրականացվել են միջհամայնքային ճանապարհների վերականգնման աշխատանքներ»,- ասել է նախարարը:   Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով   Ամենաընթերցվողը բաժնում |  Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինըԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |
