«Լեհական ավիաուղիները» չեն ուզում թռչել դատարկ նստարաններով13 հուլիսի 2010 - 16:12 AMT PanARMENIAN.Net - LOT Polish Airlines ավիաընկերությունը, որը 2010 թ. հուլիսի 1-ից շաբաթը երկու անգամ կանոնավոր չվերթ է կատարում Վարշավա-Երևան-Վարշավա ուղերթով, Հայաստանին ներկայացրել է իր տարանցիկ քաղաքականությունը: Հուլիսի 13-ին տեղի ունեցած մամլո ասուլիսի ժամանակ LOT Polish Airlines ընկերության առևտրային տնօրեն, փոխնախագահ Լեշեկ Նարովսկին հայտնել է, որ 2009 թ. ընկերությունն իր 80-ամյակն է նշել: Այս փաստը վկայում է ավիաընկերության միջազգային ճանաչման մասին: Ամեն տարի «Լեհական ավիաուղիները» տեղափոխում է 4 մլն ուղևոր: Այն ունի 3500 աշխատող, իրականացնում է ավելի քան 50 ուղղություններով չվերթեր, որոնք Արևմտյան Եվրոպան կապում են ԱՄՆ-ի և Կանադայի հետ, իսկ ընկերության դրամաշրջանառությունը կազմում է 1 մլրդ դոլար: Ինչ վերաբերում է գներին, ապա ընկերության մամլո քարտուղար Յացեկ Բալցերի խոսքերի համաձայն, նրանք «չեն ուզում դատարկ նստարաններով թռիչք կատարել», այդ պատճառով էլ LOT Polish Airlines-ը իր ուղևորներին մատչելի գներ է առաջարկում: Արդեն տասը տարվա ընթացքում LOT Polish Airlines-ը համարվում է Կենտրոնական և Արևելյան Եվրոպայի լավագույն ավիաընկերությունը: 2003 թ. սկսած «Լեհական ավիաընկերությունները» դարձել է Star Alliance-ի լիիրավ անդամ, որի շնորհիվ Alliance ուղերթների գլոբալ ցանցում Վարշավան դարձել է տարանցիկ կայանատեղի: Ընկերությունը չի ծրագրում Երևանում պաշտոնական նրկայացուցչություն բացել: Այն պետք է աշխատի POL AIRTUR-ի միջնորդությամբ: PanARMENIAN.Net ի թղթակցի հետ զրույցի ընթացքում Գայանե Տիգրանյանն ասել է, որ Հայաստանի և Լեհաստանի միջև երկար տարիների ընթացքում ստեղծվել են սերտ հարաբերություններ, որն էլ խթանել է հաղորդակցման այս միջոցի բացմանը: Նրա կարծիքով, այստեղ գործում են նաև քաղաքական մոտիվներ, նաև այն հանգամանքը, որ նոր չվերթը նպաստելու է երկկողմանի տնտեսական հարաբերություններին, զբոսաշրջության զրագացմանը և, որ շատ կարևոր է, շահավետ է լինելու: Նոր չվերթը մեծ պահանջարկ է ունենալու սփյուռքում: Չվերթերը իրականացնելու են СВ տեսակի Բոինգը և ԷՄԲՐԱԵՐ-ը: Գաայնե Տիգրանյանն ավելացրել է, որ ընկերության գնային քաղաքականությունը չի վերանայվելու , քանի որ այն մատչելի է միջին սպառողի համար: Տոմսի արժեքը 295 դոլար է` ներառյալ ԱԱՀ: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |