Հայաստանն ու Լեհաստանը ստեղծում են իրավապայմանագրային դաշտ` երկկողմանի համագործակցության հետագա խորացման համար13 հուլիսի 2010 - 18:19 AMT PanARMENIAN.Net - Երևանում ավարտին է մոտենում հայ-լեհական միջկառավարական հանձնաժողովի առաջին նիստը: Հանրագումարային արձանագրությունը ստորագրել են` հայկական կողմից` Հայաստանի էկոնոմիկայի նախարարի տեղակալ Մուշեղ Թումասյանը, իսկ լեհական կողմից` Լեհաստանի էկոնոմիկայի փոխնախարար, հանձնաժողովի համանախագահ Մարցին Կորոլեցը: Մուշեղ Թումասյանը բարձր է գնահատել հայ-լեհական բիզնես-ֆորումի անցկացումը, նշելով, որ առաջին նիստի շրջանակներում ստեղծվելու է իրավապայմանագրային դաշտ` երկկողմանի համագործակցության հետագա զարգացման համար: Էկոնոմիկայի փոխնախարարն ավելացրել է, որ միջկառավարական հանձնաժողովի հաջորդ նիստի ժամանակ, որն անցկացվելու է Վարշավայում, ամփոփվելու են այսօր ստորագրված արձանագրության կետերի իրականացման արդյունքները: Մուշեղ Թումասյանը նշել է նաև, որ նիստի շրջանակներում շոշափվել են համագործակցության հնարավոր բոլոր բնագավառները, մասնավորապես` էներգետիկայի, շինարարության և շինանյութերի արտադրության, առողջապահության բնագավառները: Քննարկվել են միջբուհական համագործակցության և տեխնոպարկերի ստեղծմանը առնչվող հարցեր, լեհական ընկերությունները «Նաիրիտ» գործարանի հետ բանակցություններ են վարում, քննարկվում է ID –քարտերի ստեղծման, բարձր պաշտպանվածությամբ արժեթղթերի տպագրման հարցեր: Նա նաև նշել է, որ երկու կողմերն էլ համակարծիք են, որ երկու երկրների միջեւ հարաբերություններում լիարժեք չի օգտագործվում եղած ներուժը: Փոխնախարարը հաղորդել է, որ 2009 թ. Հայաստանի և Լեհաստանի ապրանքաշրջանառությունը 30 մլն դոլար է կազմել, իսկ դրա ծավալի նվազումը պայմանավորված է համաշխարհային ճգնաժամով: Մարցին Կորոլեցն իր հերթին ավելացրել է, որ տնտեսական ու քաղաքական երկկողմանի համագործակցության խորացման համար ստեղծվում են բոլոր մեխանիզմները` երկու երկրների գործարարները արդյունավետ աշխատում են անցկացվող բիզնես ֆորումի շրջանակներում, երկու շաբաթ առաջ «Լեհական ավիաուղիները» բացել են Երևան-Վարշավա-Երևան չվերթը: «Վաղն սպասվում է երկու երկրների ՆԳ նախարարների հանդիպումը, որը, կարծում եմ, բարձր դիվանագիտական մակարդակով է անցնելու», - ասել է նա: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | ՊՆ բժշկական գումարտակը մասնակցում է ՆԱՏՕ–ի կազմակերպած զորավարժությանը Հոսպիտալն ապրիլի 30-ից ծավալվել է Հունգարիայի Վարպալուտա տարածաշրջանում գտնվող Բակոնիկուտի զորավարժարանում Սուրենյան․ Սպասվում է չափավոր տաք և տեղումնառատ մայիս Օդի ամսական միջին ջերմաստիճանը նորմայից բարձր կլինի մինչև 1 աստիճանով Մարությանը՝ իր կուսակցության հիմնադիր համագումարում․ Փաշինյանն ու իր թիմն այլևս անելիք չունեն՝ պետք է հեռանան «Մեր Տավուշն այստեղ է՝ այս դահլիճում»,–ասել է նա Ըստ Թուրքիայի իշխող ԱԶԿ–ի խոսնակի՝ ՀՀ-Ադրբեջան սահմանին տեղադրված սահմանաքարը չափազանց կարևոր է Նա ասել է, թե «Անկարան ողջունում է Հայաստանի դրական ուղերձները» |