Ստամբուլում կայացավ «Թուրքիա-ԵՄ քաղաքական երկխոսություն» նիստը13 հուլիսի 2010 - 19:08 AMT PanARMENIAN.Net - Ստամբուլում կայացավ «Թուրքիա-ԵՄ քաղաքական երկխոսություն» նիստը: Նիստին մասնակցում էին Թուրքիայի արտգործնախարար Ահմետ Դավութօղլուն, ԵՄ միջազգային գործերով ու անվտանգության քաղաքականության գծով Գերագույն ներկայացուցիչ Քեթրին Էշթոնը, ԵՄ ընդլայնման ու բարիդրացիության քաղաքականության հարցերով եվրահանձնակատար Շտեֆան Ֆյուլեն, ինչպես նաև պետական նախարար, ԵՄ հետ բանակցություններում պատվիրակության ղեկավար Էգեմեն Բագիսը: Նիստում քննարկվեցին ոչ միայն Թուրքիայի ու ԵՄ միջև հարաբերությունները, այլև Իրանի միջուկային խնդրի լուծման շուրջ դիվանագիտական ջանքերը: Կարծիքներ փոխանակվեցին Թուրքիայի ու Եվրամիության միջև տարածաշրջանային ու միջազգային հարցերում համագործակցության զարգացման հնարավորությունների վերաբերյալ: 2009 թվականի դեկտեմբերի 1-ի Լիսսաբոնյան համաձայնագրի ուժի մեջ մտնելու կապակցությամբ «Թուրքիա-ԵՄ քաղաքական երկխոսություն» նիստերը փոխարինել են նախկինում անցկացվող «ԵՄ եռյակ-Թուրքիա» ձևաչափով նիստերին: Ստամբուլում կայացած ներկայիս նիստը Քաղաքական երկխոսության նախարարների մակարդակով առաջին նիստն էր Թուրքիայի ու ԵՄ միջև: Ավելի վաղ ԵՄ միջազգային գործերով ու անվտանգության քաղաքականության գծով Գերագույն ներկայացուցիչ Քեթրին Էշթոնը գոհունակություն էր հայտնել այն առիթով, որ Թուրքիան վերջերս սկսել է ավելի ակտիվ արտաքին քաղաքականություն վարել, և նրա դերը տարածաշրջանում աճել է: Իսկ ԵՄ ընդլայնման ու բարիդրացիության քաղաքականության հարցերով եվրահանձնակատար Շտեֆան Ֆյուլեն հայտնել է, որ այս տարի բանակցությունների ընթացքում կարող են նոր բաժիններ բացվել քննարկման համար, եթե Թուրքիան կատարի անհրաժեշտ պայմանները, հաղորդում է TRT-Russian-ը: Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Կլաարը հուսադրող է անվանել ՀՀ և Ադրբեջանի միջև սահմանազատման մեկնարկի մասին լուրը «ԵՄ–ն լիովին սատարում է բանակցային գործընթացին, որի նպատակը համապարփակ և կայուն կարգավորումն է»,–գրել է նա Արսեն Խառատյան․ Տեղի ունեցողը Հայաստանի՝ առաջին հերթին դիվանագիտության խոշոր պարտությունն է Նա նշել է, որ ՀՀ–ն ռազմավարական տարածք է տալիս՝ առանց որևէ անվտանգային երաշխիք ստանալու Բլինքենը՝ սահմանազատումը սկսելու մասին․ Կարևոր քայլ է «Մենք ողջունում ենք Ալամթիի 1991թ․ հռչակագիրը որպես հիմք ընդունելու որոշումը»,–գրել է նա Հարությունյան․ Ոսկեպարի ճանապարհի դելիմիտացիայի հարցն առայժմ օրակարգում չէ, Կիրանցի մասում մի փոքր հատված կա, որի հարցը կլուծվի Նա հավելել է, որ վարչապետն ականջալուր է եղել ոսկեպարցիներին |