ԵՄ ԱԳ նախարարները կհաստատեն Իրանի դեմ աննախադեպ պատժամիջոցների նոր փաթեթ26 հուլիսի 2010 - 15:34 AMT PanARMENIAN.Net - ԵՄ 27 երկրների ԱԳ նախարարները հուլիսի 26-ին կհաստատեն Իրանի դեմ պատժամիջոցների փաթեթը: Պատժամիջոցները մտցվելու են միակողմանիորեն` որպես հուլիսի 9-ին հաստատված ՄԱԿ-ի ԱԽ պարտադիր միջոցների լրացուցիչ հավելում: «Պատժամիջոցների ծավալը աննախադեպ է: Դրանք ուղղված են լինելու Իրանի էներգետիկ հատվածի, արտաքին առևտրի, տրանսպորտի և ֆինանսների դեմ: Բացի այդ, կրկին ընդլայնվելու է Իրանի պաշտոնյաների ցուցակը, որոնց արգելված է ԵՄ տարածք մուտք գործել», - ընդգծել է եվրոպական բարձրաստիճան աղբյուրը: Դիվանագետի խոսքերի համաձայն, փաստաթուղթն արդեն Բրյուսելում հաստատել են ԵՄ 27 երկրների բարձրաստիճան ներկայացուցիչները: ԵՄ-ն արգելում է նավթագազային հատվածում արտասահմանյան ներդրումները, դրանց կարիքների համար սարքավորումների առևտուրը, նավթի մաքրման և գազի հեղուկացման ամեն տեսակի տեխնոլոգիաների վաճառքը: Սպասվում է նաև, որ որոշում կընդունվի դեպի Իրան բենզինի արտահանման քանակի կրճատման մասին: Քանի որ այդ երկրում նկատվում է վերամշակման հզորությունների պակաս, ապա ներքին շուկայում ներմուծվող բենզինի բաժինը մոտ 40 տոկոս է: Այս փաթեթի ֆինանսական բաժինը նախատեսում է սառեցնել Իրանի բանկերի և այլ գործարար կառույցների ակտիվները: Տրանսպորտի բնագավառում հարվածի տակ են «Իրանի Հանրապետության ցամաքային ընկերությունները» (IRISL), ինչպես նաև երկրի ավիափոխադրիչները: Միևնույն ժամանակ հուլիսի 26-ին նախարարները մտադիր են «հաստատել ԵՄ պատրաստակամությունը`Իրանի հետ երկխոսությունը վերսկսելու ուղղությամբ»: «ԵՄ-ն պատրաստ է միջուկային հիմնախնդրի մասին բանակցությունները վերսկսել սեպտեմբերին», - ընդգծել է աղբյուրը, որի մասին հաղորդում է Փրայմ ՏԱՍՍ-ը:
Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Միջազգային տեխնոլոգիական հանդիպումեր՝ Fastex-ի մասնակցությամբ TOKEN2049-ը միջազգային կոնֆերանսների շարք է, որն ամեն տարի միավորում է կրիպտո էկոհամակարգի առաջատարներին Լարսը փակ է բոլոր տեսակի մեքենաների համար Փակ է դեպի Քարի լիճ տանող ճանապարհը ՊՆ․ Տեսանյութում պատկերված անձը ՀՀ հատուկ նշանակության ստորաբաժանման զինծառայող է Լուրեր էին տարածվել, որ Կիրանցի բնակիչները «ադրբեջանցի հատուկջոկատայինի են նկատել» Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» |