Լեռնիկ Ալեքսանյան. Ղարաբաղյան կարգավորման հիմնական խնդիրը ԼՂՀ կարգավիճակի հարցն է
Ղարաբաղյան կարգավորման գործընթացում հարկավոր է առաջին հերթին լուծել ԼՂՀ կարգավիճակի հարցը, իսկ հետո արդեն բանակցել փոխադարձ զիջումների մասին: Այս մասին Երևանում կայացած մամլո ասուլիսում հայտարարել է ՀՀԿ խորհրդարանական խմբակցության պատգամավոր Լեռնիկ Ալեքսանյանը:
Ըստ Ալեքսանյանի, հայկական կողմը չի ասում, թե իր վերահսկողության տակ է պահելու ԼՂՀ մերձակա բոլոր յոթ շրջանները: «Դա տրամաբանությունից դուրս է: Եթե Ադրբեջանը ճանաչի ԼՂՀ անկախությունը և տրվեն անվտանգության միջազգային երաշխիքներ, դրանից հետո դիվանագետները կարող են հստակեցնել, թե որ տարածքային փոխզիջումների մասին կարելի է բանակցել»,-ասել է պատգամավորը: Նա հավելել է նաև, որ եթե Ադրբեջանը ճանաչի ԼՂՀ անկախությունը, դա կդիտվի որպես զիջում ադրբեջանական կողմից:
