Ստեփան Սաֆարյան. Հաագայի դատարանի վճիռն օրինականացնում է ԼՂՀ անկախությունը 2 օգոստոսի 2010 - 15:51 AMT PanARMENIAN.Net - Կոսովոյի գործով Հաագայի դատարանի վճռի առիթով Հայաստանում տեղի ունեցող քննարկումները բավական հակասական էին: Մի մասը պնդում էր, որ Կոսովոյի գործով որոշումը ԼՂՀ համար նախադեպ է հանդիսանում, իսկ մյուս մասը հակառակն էր պնդում: Այդ մասին այսօր Երևանում կայացած մամլո ասուլիսում հայտնել է «Ժառանգություն» կուսակցության խորհրդարանական խմբակցության ղեկավար Ստեփան Սաֆարյանը: Սաֆարյանի խոսքով, Ղարաբաղի ու Կոսովոյի միջև միակ տարբերությունը կայանում է նրանում, որ մի դեպքում հակամարտությունը հայերի ու ադրբեջանցիների միջև է, մյուս դեպքում` ալբանացիների ու սերբերի: «Բայց գլխավորն այն է, որ ՄԱԿ Միջազգային դատարանը օրինական է համարել Կոսովոյի անկախության հռչակումը: Այսինքն, ազգերի ինքնորոշման իրավունքի սկզբունքի իրագործումը միջազգային օրենսդրության խախտում չէ»,- ասել է նա` ավելացնելով, որ այդ վճիռը լուրջ բեկում է միջազգային իրավունքի մեկնաբանման և կիրառման պրակտիկայի գործում: Ինչպես նկատել է «Ժառանգություն» խմբակցության ղեկավարը, ոչ ոք չի կարող հայկական կողմին բացատրել, թե ինչու Հաագայի դատարանի վճիռը չի կարող նախադեպ լինել Ղարաբաղի դեպքում: Սաֆարյանը նկատել է նաև, որ Միջազգային դատարանի որոշումը մտավախություն է առաջ բերել ադրբեջանական հասարակայնության շրջանում: «Կարծում եմ, որ ադրբեջանցիները, չնայած բարձրաստիճան պետական անձանց հայտարարություններին, լավ են գիտակցում այն փաստը, որ Հաագայի դատարանի վճիռն օրինականացնում է ԼՂՀ անկախությունը: Այսինքն, Լեռնային Ղարաբաղն ընդմիշտ կորսված է նրանց համար»,- ընդգծել է նա: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին Երևանում բոլոր 63 բերման ենթարկվածներն ազատ են արձակվել Բերման էր ենթարկվել 63 ցուցարար ՔԿ․ Սոցցանցի միջոցով բռնությունն արդարացնելու և քարոզելու դեպքով քրվարույթ կա Միջոցներ են ձեռնարկվում գրառման հեղինակին հայտնաբերելու ուղղությամբ «ՀայաՔվեն» հանցագործության մասին հաղորդում է ներկայացրել դատախազություն. Սահմանազատմանն է առնչվում Դիմումը ներկայացվել է ընդդեմ սահմանազատման հանձնաժողովի, փոխվարչապետի և վարչապետի |