ՀՀ սփյուռքի նախարարությունը կազմակերպում է Ֆինանսիստների և բանկիրների համահայկական առաջին համաժողովը

6 օգոստոսի 2010 - 18:41 AMT

PanARMENIAN.Net - Սփյուռքահայ մասնագիտական ներուժի համախմբման ծրագրի շրջանակներում ՀՀ սփյուռքի նախարարությունը Կենտրոնական բանկի և ՀՀ բանկերի միության հետ համատեղ 2010 թվականի հոկտեմբերի 17-19-ը կազմակերպում է Ֆինանսիստների և բանկիրների համահայկական առաջին համաժողովը:

Իբրև համաժողովի գլխավոր նպատակ` նախարարությունն ակնկալում է ստեղծել ֆինանսիստների ու բանկիրների համահայկական ընկերակցություն և դրա հիման վրա մասնագիտական ցանց ձևավորել:

Համաժողովին մասնակցելու համար արդեն իսկ հարյուրավոր հրավերներ են ուղարկվել սփյուռքի տարբեր կառույցներին, անհատներին: Մի քանի հեղինակավոր բանկերի ղեկավարներ ու անվանի ֆինանսիստներ արդեն իսկ հայտնել են իրենց համաձայնությունը` մասնակցելու այս աննախադեպ հավաքին: Մասնակիցների ցանկը դեռևս համալրման փուլում է:

ՀՀ սփյուռքի նախարարությունը շարունակում է մասնակիցների գրանցումը եւ հրավիրում աշխարհի տարբեր երկրներում ապրող հայ ֆինանսիստներին ու բանկիրներին` համաժողովին մասնակցելու համար: Այս մասին հաղորդում է ՀՀ սփյուռքի նախարարության մամլո ծառայությունը:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով