Ռուսաստանն Ադրբեջանին չի վաճառի C-300 «Ֆավորիտ» զենիթահրթիռային համալիրներ12 օգոստոսի 2010 - 11:27 AMT PanARMENIAN.Net - «Չեմ կարծում, որ Ռուսաստանը կգնա նման քայլի, ինչպիսին Ադրբեջանին C-300 «Ֆավորիտ» զենիթահրթիռային համալիրների վաճառքն է, քանի որ Մոսկվայում չեն ցանկանում սրացնել ղարաբաղյան հակամարտությունը: Դա պետք է հստակ գիտակցել»,- հայտարարել է Ռազմական կանխատեսման կենտրոնի ղեկավար Անատոլի Ցիգանոկը` մեկնաբանելով մինչ օրս չդադարող լուրերն Ադրբեջանի կողմից 300 մլն դոլար արժողությամբ C-300 զենիթահրթիռային համալիրներ ձեռք բերելու մասին: «Եթե այդ գործարքն ամեն դեպքում կայանա, ապա այդ զենիթահրթիռային համալիրները լիովին կկարողանան փոխել Հայաստանի և Ադրբեջանի զինված ուժերի միջև ուժային հավասարակշռությունը: Նման իրավիճակում կարծում եմ, որ այդ հրթիռները կգան նաև Հայաստան: Պարտադիր չէ ռուսական արտադրության, դրանք կարող են լինել իրանյան հրթիռներ: Այսինքն, Ադրբեջանի կողմից C-300 զենիթահրթիռային համալիրներ ձեռք բերելը կսրացներ ղարաբաղյան հակամարտության բանակցային գործընթացը: Ես չէի ցանկանա, որպեսզի գալիք աշնունը նշանավորվեր Ադրբեջանի և Հայաստանի միջև պատերազմով»,- ասել է փորձագետը: Պատասխանելով այն հարցին այն մասին, թե այդ դեպքում ինչպես կվարվի Ռուսաստանը, Ցիգանոկը նշել է, որ 2008-ի օգոստոսի կրկնությանը սպասել պետք չէ: «2008-ի օգոստոսին բոլորովին այլ իրավիճակ էր: Այո, Հայաստանի և Ադրբեջանի միջև պատերազմի դեպքում անհրաժեշտ է հաշվի առնել, որ այսօր Հայաստանը Հարավային Կովկասում Ռուսաստանի ռազմավարական գործընկերն է: Հայաստանի տարածքում տեղաբաշխված է ռազմական բազա: Սակայն, ես կարծում եմ, որ Ռուսաստանի միջամտությունը ղարաբաղյան հակամարտությանը հնարավոր է միայն այն դեպքում, եթե Ադրբեջանը հարված հասցնի նրա ռազմական բազային: Բայց չեմ կարծում, որ Ադրբեջանի ղեկավարությունը կգնա նման քայլի»,- ասել է Ցիգանոկը:
Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել Երևանը նոր Գլխավոր հատակագիծ կունենա Դա կլինի թվայնացված փաստաթուղթ |