«Գյումրու երաժշտական դպրոցին օգնելու ծրագիրը, որն իրականացնոմ են Թոմ Այոմը և Յան Գիլանը, մեծ գործ է: Վերջերս նրանց մենեջերները իմ գրասենյակի հետ կապվեցին և մենք համագործակցության լավագույն ուղիներ սկսեցինք փնտրել: Սակայն այն ժամանակահատվածը, որի ընթացքում նրանք ծրագրել են որևէ միջոցառում անցկացնել, իմ ժամանակացանկին չէր համապատասխանում», - ասել է Սերժ Թանգյանը` օգոստոսի 12-ին Երևանում տեղի ունեցած մամլո ասուլիսի ժամանակ:
Նա նշել է, որ երաժիշտները փորձել են iTunes կայքէջում տեղադրել Black Sabbath խմբի երգերը Թանգյանի կատարմամբ` դպրոցին ավելի արդյունավետ օգնելու համար, սակայն այդ ծրագիրն առայժմ չի իրականացվի:
Հայկական ռոկ խմբերի հետ համագործակցելու մասին խոսելով, Սերժ Թանգյանն ընդգծել է, որ դրանց հետ ծանոթ չէ: