Նազարեթ Կարոյան. Իջևանի բնակիչներին ու հյուրերին «գեղարվեստական խելագարություններ» են սպասվում13 օգոստոսի 2010 - 19:28 AMT PanARMENIAN.Net - Օգոստոսի 15-ից 20-ը Իջևանում կկայանա «Ժամադրություններ սահմանների վրա» Համայնքային արվեստի ամառային փառատոնը: Այդ մասին օգոստոսի 13-ին կայացած մամլո ասուլիսում հաղորդել է Հայաստանի Արվեստի քննադատների ասոցիացիայի նախագահ Նազարեթ Կարոյանը: «Ժամադրություններ սահմանների վրա» անունը պատահական չէ ընտրված: Տվյալ դեպքում սահմանը ոչ թե քաղաքական, այլ մշակութային տերմին է և արտացոլում է հեղինակի ու հանդիսատեսի միջև հարաբերությունները»,- նշել է նա: Արվեստի քննադատների ասոցիացիայի նախագահը նշել է, որ Իջևանի բնակիչներին ու հյուրերին իրենց «գեղարվեստական խելագարություններով» պատրաստ են զարմացնել Իջևանում Արվեստի ամառային դպրոցի 10 շրջանավարտներ և արվեստի գործիչներ Ռուսաստանից, Թուրքիայից, ԱՄՆ-ից, Կանադայից, Իտալիայից և այլ երկրներից: Ընդհանուր առմամբ փառատոնին ներկայացված կլինեն ավելի քան 18 երկրներից ժամանած մասնակիցների աշխատանքներ: Ներկայացված աշխատանքների ժանրերի թվում Նազարեթ Կարոյանը նշել է ժամանակակից արվեստի այնպիսի տեսակներ, ինչպիսիք են վիդեոինստալյացիաներն ու գրաֆիտին` ավելացնելով, որ ներկայացումների մի մասը տեղի կունենա քաղաքի փողոցներում: Նազարեթ Կարոյանի խոսքով, փառատոնի նպատակը պայքարն է արվեստի ապակենտրոնացման դեմ և համագործակցությունը հայ ու արտասահմանյան արվեստի կենտրոնների միջև: Նա ընդգծել է նաև, որ «Ժամադրություններ սահմանների վրա» փառատոնի մասին ֆիլմ է նկարահանվելու: Խոսելով Արվեստի ամառային դպրոցի մասին` Նազարեթ Կարոյանը նշել է, որ այն գործում է արդեն հինգերորդ տարին: Դպրոցի ուսանող կարող են դառնալ տարբեր մասնագիտությունների տեր մարդիկ` փաստաբաններ, տնտեսագետներ, որոնք անտարբեր չեն արվեստի նկատմամբ: Ասոցիացիայի նախագահի խոսքով, մասնագետների ուսուցումն այդ դպրոցում կօգնի լուծել մի շարք խնդիրներ` կապված մենեջմենթի, հեղինակային իրավունքների ձեռքբերման և այլ նման բարդ հարցերի հետ: Ամառային դպրոցի կազմակերպիչ Անժելա Հարությունյանը նշել է, որ դպրոցում անցկացվում են արվեստի պատմության, ճիշտ թարգմանության դասընթացներ: «Դպրոցի շրջանավարտները արվեստի ոլորտում միջազգային նախագծերի, բիենալեների ու փառատոների մասնակիցներ են դառնում»,- նշել է Անժելա Հարությունյանը` ավելացնելով, որ ուսանողների հաջորդ ընդունելությունը Արվեստի ամառային դպրոց կկայանա 2010 թվականի հոկտեմբերին: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | ՊՆ․ Զինծառայողների հարազատները ծանրոցներ ուղարկում են բացառապես կամավոր Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում են ԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվել Բելառուսն Արցախում 420 ընտանիքի համար բնակավայր կկառուցի Հայտարարվել է, որ ավանը կկառուցվի Աղդամի շրջանում ՀՀ և Հորդանանի ԱԳՆ-ները մտահոգություն են հայտնել Երուսաղեմի հայկական թաղամասում ստեղծված իրավիճակի վերաբերյալ Կոստանյանը ներկայացրել է «Խաղաղության խաչմերուկ» նախագիծը |