Գառնիում կգործարկվի զբոսաշրջության տեղեկատվական կենտրոն17 օգոստոսի 2010 - 18:09 AMT PanARMENIAN.Net - Մինչև տարեվերջ Գառնի համայնքում կգործարկվի զբոսաշրջության տեղեկատվական նոր կենտրոն: Համաձայն Հայաստանի ազգային մրցունակության հիմնադրամի և Կոտայքի մարզի Գառնիի գյուղապետարանի միջև օրերս ստորագրված պայամանգրի` Շահումյան 6 հասցեում գտնվող Գառնիի մշակույթի տան մեկ հատվածը 25 տարի ժամկետով փոխանցվել է հիմնադրամին` անհատույց օգտագործման նպատակով: Տարածքում նախատեսվում է հիմնել զբոսաշրջության տեղեկատվական և մարկետինգային կենտրոն, որի շահագործումը կիրականացվի Գառնի-Գեղարդ երթուղու տարածքում գործող համապատասխան տեղական կազմակերպության միջոցով: Արդեն մեկնարկել են վերանորոգման աշխատանքները, որոնք իրականացվում են «Գեղարդի հովտի ագրոտուրիզմի զարգացում» հասարակական կազմակերպության (ՀԿ) ուժերով եւ վերահսկվում են մրցունակության հիմնադրամի կողմից: Կենտրոնի վերանորոգման և կահավորման համար մրցունակության հիմնադրամը հատկացրել է 7 մլն ՀՀ դրամ: Գառնիի գյուղապետարանն իր կողմից նույնպես կաջակցի աշխատանքների իրագործմանը: Նույն ՀԿ-ն տեղեկատվական կենտրոնի համար կհավաքագրի մայրենի և օտար լեզուների իմացությամբ որակյալ անձնակազմ, որը զբոսաշրջիկներին կտրամադրի անհրաժեշտ տեղեկատվություն ճանապարհորդության տարբեր հարցերի և երթուղու զբոսաշրջավայրերի վերաբերյալ: Նախատեսվում է նաև հայթայթել լրացուցիչ միջոցներ` շենքի շրջակայքը բարեկարգելու նպատակով: Կենտրոնը կկառուցվի և կգործարկվի շուրջ երեք ամսվա ընթացքում, հաղորդում է Հայաստանի ազգային մրցունակության հիմնադրամի հասարակայնության հետ կապերի վարչությունը: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ալիև․ Սահմանազատումը մեր պայմաններով անցկացնելը մեր հերթական հաղթանակն է՝ 4 գյուղ ենք ստանում առանց մի կրակոցի Նա այդ մասին ասել է օկուպացված Շուշիում Սամվել Բաբայան․ Փաշինյանը վաղուց պետք է հրաժարական տար Բաբայանի խոսքով՝ գլոբալ, ռազմավարական պետք է որոշվի՝ ինչ ենք անում, որն է մեր նպատակը Համաշխարհային բանկը կաջակցի ՀՀ անտառների, ջրաճահճային տարածքների ու լանդշաֆտների վերականգնմանը Ծրագրի նպատակն է ընդլայնել կայուն կառավարման ներքո գտնվող տարածքները ՀՀ-ն ու Իսպանիան կգործակցեն սպորտի ոլորտում․ Հուշագիր է ստորագրվել Կողմերը կհամագործակցեն նաև մասնագետների, տեխնիկական անձնակազմի և փորձագետների փոխանակման շրջանակում |