Սպորտի և երիտասարդության հարցերով նախարար Արթուր Պետրոսյանն օգոստոսի 18-ին ընդունել է սերֆինգի աշխարհի չեմպիոն, ֆրանսիացի Սառա Հերբերտին:
Նախարարը ողջունել է Հերբերտին և շնորհակալություն հայտնել, որ նա ելույթ է ունենալու Հայաստանի դրոշի տակ: Պետրոսյանը նաև նշել է, որ սպորտի և երիտասարդության նախարարությունը նպաստելու է երկրում սերֆինգի զարգացմանը, հաղորդում է նախարարության պաշտոնական կայքը:
Հերբերտը ցանկանում է Հայաստանը ներկայացնել 2012-ի Լոնդոնի Օլիմպիական խաղերում:
Սառա Հերբերտը 2006-ին դարձել է սերֆինգի աշխարհի չեմպիոն, և իր արդյունքներով մտել է «Գինեսի ռեկորդների» գիրք:
Այս տարի մարզուհին մտադիր է նոր ռեկորդ սահմանել. 25 օրում անցնել Ատլանտիկ օվկիանոսը: