Երևանում մեկնարկել է համակարգչային խաղերի Հայաստանի առաջնությունը21 օգոստոսի 2010 - 14:55 AMT PanARMENIAN.Net - Հայաստանում անցկացվող համակարգչային խաղերի առաջնությունը մեկնարկել է օգոստոսի 21-ին, Երևանում: PanARMENIAN.Net ի թղթակցի հետ զրույցի ընթացքում Հայաստանի կիբեռսպորտի ազգային պրոֆեսիոնալ առաջնության ներկայացուցիչ Էդգար Սահակյանն ասել է, որ մրցությանը մասնակցում է 80 խաղացող, որոնց միջին տարիքը 14-16 տարեկանն է: Նրա խոսքերի համաձայն, անչափահասների գրանցման պարտադիր պայմանը նրանց ծնողների գրավոր համաձայնությունն է եղել: «Կիբեռսպորտի զարգացումը նպաստում է նաև տեղեկատվական տեխնոլոգիաների ընդհանուր զարգացմանը, քանի որ խաղերի ծրագրային բարդացումն ապահովելու հետ միաժամանակ աճում են նաև տեխնոլոգիաների հանդեպ պահանջները: Բացի այդ, անհրաժեշտ է զարգացնել համակարգչային խաղերի` որպես զվարճության ժամանակակից ձևերից մեկի մշակույթը», - ասել է Էդգար Սահակյանը: Առաջնության պաշտոնական խաղ է ընտրվել FIFA 10, հաղթողները հնարավորություն կունենան Լոս Անջելես մեկնելու, որպեսզի սեպտեմբերի 30-ից մինչև հոկտեմբերի 3-ը մասնակցեն WCG (World Cyber Games) միջազգային համակարգչային խաղերի եզրափակիչ խաղին: Ընդ որում, առաջին տեղը գրավող անձը միջազգային մրցումներին մասնակցելու համար կստանա մասնակի ֆինանսավորում: Հայկական մրցույթի ոչ պաշտոնական խաղ է համարվում Call of Duty:Modern WarFare2-ը: Օգոստոսի 22-ին տեղի ունեցող եզրափակիչ խաղում մասնակցելու են 32 խաղացող (ամեն խաղում` 16 մասնակից): Մրցույթի մրցանակային ֆոնդը 600 հազ. դրամ է: Այն բաժանվելու է բոլոր խաղերում առաջին, երկրորդ և երրորդ տեղերը զբաղեցնողների միջև: Մրցույթի գլխավոր հովանավորը Samsung ընկերությունն է, իսկ տեխնիկական աջակցություն է ցուցաբերում «Ֆայն» համակարգչային տեխնիկայի խանութների ցանցը: Տեղեկատվական գործընկերներն են` PanARMENIAN.Net www.Bravo.am, ռադիո «Վանը», «Ռուսսկոյե ռադիոն», Hit FM ռադիոկայանը: Հայաստանի համակարգչային առաջնությունն արդեն չորրորդ անգամ է կազմակերպվում, նախորդ մրցության հաղթողները մասնակցել են Գերմանիայում և Իտալիայում անցկացվող WCG համակարգչային խաղերին: Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |