ՀՀ գյուղնախարարություն. Հայաստանում ցորենի գնի կտրուկ աճ չի սպասվում30 օգոստոսի 2010 - 13:50 AMT PanARMENIAN.Net - Չնայած ցորենի համաշխարհային գների աճին և Հայաստանում արձանագրված երաշտին, ցորենի գնի կտրուկ աճ չի սպասվում, օգոստոսի 30-ին Երևանում կայացած մամլո ասուլիսում հայտարարել է ՀՀ գյուղատնտեսության նախարար Գերասիմ Ալավերդյանը: Այդ խնդիրը նախագահի և նախարարության ուշադրության կենտրոնում է: Իրավիճակը վերահսկվում է և գների կտրուկ աճ չի լինի, հայտարարել է նա: Նախարարը հաղորդել է նաև, որ խորհրդակցություն է տեղի ունեցել սպառողական ցորենի 7 խոշոր ներկրողների հետ, որոնք նախարարին են ներկայացրել շուկայում ստեղծված իրավիճակը: «Քանի որ Ռուսաստանը սահմանափակել է ցորենի արտահանումը, ապա այդ ընկերություններն անհրաժեշտ ծավալները գնել են Ղազախստանից ու այլ երկրներից, ավելին, ընթացիկ տարվա օգոստոսին ավելի մեծ ծավալով մթերում է կատարվել, քան նախորդ տարի»,-ասել է նա: Ավելին, ՌԴ և ՀՀ նախագահների միջև ձեռք բերված պայմանավորվածության շրջանակներում Ռուսաստանը որոշակի քանակի սերմացու ցորեն կտրամադրի Հայաստանին: Ըստ ՀՀ գյուղնախարարի, ներկրվող ցորենի գինն այսօրվա դրությամբ տատանվում է 80-150 դրամի սահմաններում 1 կգ համար կախված տեսակից, ընդ որում արժեքի մեծ մասը պայմանավորված է տրանսպորտային բարձր ծախսերով: Ցորենի ներկրողները հավաստիացրել են նախարարին, որ այդ շուկայում մենաշնորհ չկա, այլ կա ուժեղ մրցակցություն, ինչից Գերասիմ Ալավերդյանը եզրակացություն է արել, որ ցորենի գնի կտրուկ աճ ընդհանրապես լինել չի կարող: Ինչ վերաբերում է նրան, որ ներկրողները արհեստականորեն են բարձրացրել ցորենի գինը, որը ներկրվել էր մինչ միջազգային շուկայում արձանագրված գնաճը, ապա այդ կապակցությամբ Գերասիմ Ալավերդյանը նշեց, որ դա չի համապատասխանում իրականությանը: «Ես ինքս վերլուծեցի իրավիճակը, ներկրողների հետ հանդիպելուց առաջ: Նման բան չկա, քանի որ այդ ընկերությունները ջանում են որքան հնարավոր է շուտ ազատել իրենց պահեստները հին խմբաքանակից` ավելի ցածր գնով նոր խմբաքանակ ձեռք բերելու համար»,-ասել է նա: Ինչպես հայտնել է նախարարը, Հայաստանի ցորենի ներքին պահանջարկը կազմում է տարեկան 650-720 հազար տոննա, այս տարի երկրում արտադրվել է 280 հազար տոննա ցորեն նախորդ տարվա 370 հազար տոննայի դիմաց: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |