«Ես դեմ չեմ կրթությանը արտասահմանում: Ավելին, երբեմն ես ինքս եմ խորհուրդ տալիս ուսանողներին վերապատրաստում անցնել արտասահմանյան բուհերում»,- հայտարարել է ՀՀ նախագահ Սերժ Սարգսյանը` պատասխանելով մեդալակիր շրջանավարտների, միջազգային օլիմպիադաների և «Կենգուրու» մաթեմատիկական մրցույթի հաղթողների հարցերին:
Նախագահի խոսքերով, դա լիովին նորմալ և նույնիսկ անհրաժեշտ գործընթաց է, քանի որ մասնագիտություններ կան, որոնք կարելի է սովորել արտասահմանում: Նա նաև նշեց, որ պետությունը խրախուսում է հայ ուսանողների կրթությունն արտասահմանում և նույնիսկ նրանց համար հատուկ կրթաթոշակներ է նշանակում:
Նախագահը նաև նշեց, որ երիտասարդները կարող են աշխատել արտասհամանում, եթե հայրենիքում իրենց գիտելիքները կիրառելու հնարավորություն չունեն: «Բայց ես չեմ հասկանում, երբ արտասահմանում հայերը զբաղվում են մի գործով, որը կարող են կատարել Հայաստանում»,- ասաց Սերժ Սարգսյանը:
Նա նաև նշեց, որ Հայաստանում անհրաժեշտ է զարգացնել կրթական համակարգը, այդ ժամանակ այդ ոլորտում անցկացվող բարեփոխումներն անպայման կհանգեցնեն հայկական դպրոցների համապատասխանեցմանը միջազգային չափանիշներին:
