ՏՏ և հեռահաղորդակցությունների ոլորտում «DigiTec Expo 2010» ամենամյա ցուցահանդեսին մասնակցելու հայտ են ներկայացրել 30 ընկերություններ: Ներկա դրությամբ ցուցահանդեսի 72 տոկոս տարածքն արդեն զբաղեցված է: Ինչպես հայտնել է PanARMENIAN.Net-ին UITE-ի մամլո ծառայությունը, ցուցահանդեսի պլատինե հովանավորությունը ստանձնել է VivaCell-MTS ընկերությունը, իսկ D-Link ընկերությունը DigiTec-ի գլխավոր հովանավորն է:

«DigiTec Expo 2010»-ը տեղի կունենա հոկտեմբերի 29-31-ը Երևանում: Սպասվում է, որ ցուցահանդեսին կմասնակցեն շուրջ 60 ընկերություններ, մասնակիցների թիվը կհասնի 15 հազարի: Ցուցահանդեսի շրջանակներում տեղի կունենան այնպիսի միջոցառումներ, ինչպիսիք են DigiTec Expo 2010-ը, Ինժեներների համահայկական համաժողովը, Start Up forum-ը, DigiLife մի շարք սեմինարներ, «Երևան» գիտության փառատոնը և ArmRobotics-ի բաց առաջնությունը: