«Մոտավորապես երեք ժամ անց համաշխարհային ճանաչում ունեցող ֆրանսիացի դերասան Ժերար Դեպարդյեն կժամանի Երևան` մասնակցելու «Կարոտ» փառատոնին», - PanARMENIAN.Net-ի թղթակցի հետ զրույցի ընթացքում ասել է փառատոնի ղեկավար Մեցո Իգիթյանը:
Նրա խոսքերի համաձայն, դերասանն առաջին անգամ է այցելում Հայաստան: Սեպտեմբերի 4-ին Ժերար Դեպարդյեն հանդիպումներ կունենա ՀՀ նախագահ Սերժ Սարգսյանի և ՀՀ ԱԺ խոսնակ Հովիկ Աբրահամյանի հետ:
Հայտնի դերասանը Հայաստանում կմնա երկու օր և սեպտեմբերի 5-ին Փարիզ կվերադառնա: Մեցո Իգիթյանն ասել է, որ Ժերար Դեպարդյեն որպես պատվավոր հյուր ներկա է լինելու «Կարոտ» մրցանակաբաշխության արարողությանը: «Սակայն, արդյոք նա է մրցանակ հանձնելու, թե մրցանակակիր է դառնալու` թող անակնկալ լինի մինչև մրցանակների հանձնման արարողությունը», - ասել է «Կարոտ» փառատոնի նախագահը:
