«ReAnimania միջազգային անիմացիոն փառատոնի շրջանակներում Երևանում տեղի կունենա MARANI (Market of animation) գործարար համաժողովն անիմացիայի և տեղեկատվական տեխնոլոգիաների ոլորտներում»,-ասել է փառատոնի նախագահ Վրեժ Քասունին: Այդ համաժողովի շրջանակներում իրենց արտադրանքն ու գործունեությունը կներկայացնեն շուրջ 25 ձեռնարկություններ, որոնք աշխատում են անիմացիայի, տեղեկատվական տեխնոլոգիաների, ինտերակտիվ խաղերի և համակարգչային ծրագրերի ոլորտներում:

Վրեժ Քասունին հավելել է նաև, որ MARANI-ի գլխավոր իրադարձությունը կդառնա ANITA (Animation and IT) վեհաժողովը, որի շրջանակներում սեպտեմբերի 12-ին կքննարկվեն անիմացիայի, համակարգչային խաղերի ու 3D խաղերի զարգացման հեռանկարները Հայաստանում և տարածաշրջանում:

«Հնարավոր է, որ մենք պայմանավորվենք առավել ցածր գներով համակարգչային խաղերի և ծրագրերի ներմուծման մասին»,-ասել է Վրեժ Քասունին: