Սեպտեմբերի 14-ին ազգային «Մաքուր հայրենիք» ծրագիրը լրագրողներին ներկայացրեց ՀՀ բնության պահպանության նախարարության էկոլոգիական ծրագրերի կենտրոնի տնօրեն Վիկտոր Մարտիրոսյանը:
Նրա խոսքերի համաձայն, ազգային «Մաքուր հայրենիք» ծրագիրը նպատակ ունի ձևավորելու շրջապատող միջավայրի պահպանման մշակութ և պատասխանատվություն: Ծրագրի շրջանակներում նախատեսվում է լուծել մի շարք հիմնախնդիրներ, որոնք վերաբերում են երիտասարդության մոտ էկոդաստիարակությանն ու էկոձևավորմանը և դրա շուրջ միավորել երկրի հասարակայնությանը:
Աջակցություն կստանան այն կազմակերպությունները, որոնք ծրագրի նպատակներին համապատասխան նախաձեռնություն կցուցաբերեն:
ՀՀ կառավարությունը օգոստոսի 19-ին հավանության է արժանացրել «Մաքուր հայրենիք» ազգային ծրագիրը, որի անհրաժեշտությունը պայմանավորված է երկրի բնապահպանական սանիտարական վիճակով` հատկապես քաղաքային բնակավայրերում: Ծրագիրը հնարավորություն կտա կատարելագործելու օրենսդրական դաշտը, արդյունավետորեն օգտագործելու շրջապատող միջավայրի մաքրությունն ու պահպանումը, փոխելու հասարակության վերաբերմունքը շրջապատող միջավայրի հանդեպ:
