Սեպտեմբերի 14-ին Վանի թանգարանից Սբ Խաչ եկեղեցու գմբեթի խաչը տեղափոխվել է Աղթամար կղզի: Hurriyet-ը հաղորդում է, որ խաչի տեղափոխման գործընթացին մասնակցել է նաև Վանի նահանգապետի տեղակալ Աթայ Ուսլուն:
Փոխնահանգապետ Գայմագամ Գևաշ Յուսուֆ Գունին հաղորդել է, որ Կոստանդնուպոլսի պատրիարքարանի ներկայացուցիչները կարող են խաչը եկեղեցու դիմաց իրենց համար ցանկալի տեղում տեղադրել: «Մենք Թուրքիայի մշակույթի և զբոսաշրջության նախարարությունից թույլտվություն ենք ստացել, և խաչը բերել ենք կղզի: Սակայն տեխնիկական պատճառներով հնարավոր չէ խաչը գմբեթին տեղադրել», - ասել է Գունին:
Աղթամար կղզու Սբ Խաչ եկեղեցում սեպտեմբերի 19-ին առաջին անգամ 95 տարվա դադարից հետո պատարագ կմատուցվի: