ԵԿԳ շահույթն անցյալ տարվա ընթացքում կրճատվել է 28%-ով` կազմելով 3,2 մլրդ դրամ

14 սեպտեմբերի 2010 - 19:40 AMT

PanARMENIAN.Net - 2009 թվականի հուլիսից մինչև 2010 թվականի հուլիս ամիսները Երևանի կոնյակի գործարանի (ԵԿԳ) կոնյակի վաճառքի անկումը կազմել է 35%, ինչը կապված է ռուսական շուկայի դանդաղ վերականգնման հետ, իսկ շահույթը կրճատվել է 28%-ով` կազմելով 3,2 մլրդ դրամ: Ընդ որում, հայկական շուկայում վաճառքի ծավալն աճել է: Այդ մասին մամլո ասուլիսում լրագրողներին հայտնել է ԵԿԳ գործադիր տնօրեն Արա Գրիգորյանը: Նա նշել է, որ վերջին երկու ամսվա ընթացքում ձեռնարկությունում արդեն վաճառքի 10% աճ է արձանագրվել, ինչը թույլ է տալիս հուսալ, որ ճգնաժամը նահանջում է:

Ֆինանսական տարին դրական արդյունքներով է ավարտել գործարանի տարածքում գործող պատմա-տուրիստական համալիրը, որը տուրիստական այցելությունների 15%-անոց աճ է արձանագրել: Անցյալ տարվա ընթացքում իրականացվել են Արարատ կոնյակների նոր փաթեթավորման հետ կապված բոլոր նախնական աշխատանքները: Սահմանվել են լցման նոր գծեր, մշակվել է նոր մարքեթինգային պլատֆորմ:

ԵԿԳ տնօրենի խոսքով, նոր փաթեթավորումով կոնյակն ավելի թանկ կարժենա: «3 և 5 աստղանի կոնյակների գինը չի փոխվի. «Անի», «Ընտիր», «Ախթամար» և «Տոնական» կոնյակները կթանկանան 2%-ով, իսկ «Նաիրի» կոնյակը` շատ ավելի»,- ասել է նա:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով