Լեռնային տարածքների կայուն զարգացման գործում համագործակցության համաձայնագիր են ստորագրել Հյուսիսային Օսեթիայի գիտական միությունների ներկայացուցիչները` Աբխազիայի, Հայաստանի, Ադրբեջանի և Ղրղըզստանի հետ: Ինտերֆաքսը հաղորդել է, որ համաձայնագիրը ստորագրվել է չորեքշաբթի օրը, Վլադիկովկասում անցկացվող «Գլոբալ փոփոխությունների պայմաններում լեռնային տարածքներում կայուն զարգացումը» թեմայով անցկացվող միջազգային համաժողովի շրջանակներում` լեռնային տարածաշրջանների գիտական միությունների միջև շփումներն ավելի ակտիվացնելու համար:
Ստորագրվող համաձայնագրերի հիմնական նպատակը Կովկասյան տարածաշրջանի երկրների լեռնային տարածքների կայուն զարգացման գործում գիտական հետազոտությունների իրականացման ժամանակ ակտիվ և բազմակողմանի համագործակցությունն է, այդ հետազոտությունների արդյունքները լեռնային տարածքների սոցիալ-տնտեսական զարգացման և պետական քաղաքականության ձևավորման գործում ներգրավելը:
