Օլեգ Եսայան. Այսօրվա Հայաստանը ժողովրդավարական առաջընթացի ու միջազգային ինտեգրման արտահայտված ձգտմամբ պետություն է

PanARMENIAN.Net - 19 տարի առաջ Հայաստանը համազգային հանրաքվեի ճանապարհով հռչակեց պետական անկախությունը, որի մասին երազանքը սրտում ապրել են հայ ժողովրդի բոլոր սերունդները, որոնք ապրել են ինչպես երկրում, այնպես էլ երկրի սահմաններից դուրս: Հայաստանի անկախությունը ձևավորվել ու ամրապնդվել է հայ ժողովրդի զրկանքների գնով: Այդ մասին հայտնել է ՌԴ-ում Հայաստանի դեսպան Օլեգ Եսայանը: «Հայ ժողովուրդը մարդկության պատմության մեջ առաջիններից էր, ով իր հասարակության պետական դասակարգման հասավ, և 1991 թվականի սեպտեմբերի 21-ը շրջադարձային դարձավ մեր երկրի նորագույն պատմության մեջ: Այն նաև անհրաժեշտ նախադրյալ էր միջազգային քաղաքական հարթակ վերադառնալու համար: Անկախ պետության համապատասխան ազգային տնտեսության, ներքին և արտաքին քաղաքականության ձևավորումն ինքնին շատ բարդ խնդիրներ են: Հայաստանի համար դրանք զգալիորեն բարդացան հայտնի աշխարհաքաղաքական ու ռազմաքաղաքական հանգամանքների բերումով, որոնք, ցավոք, մտածելու տեղիք են տալիս նաև այսօր: Այսօրվա Հայաստանը ժողովրդավարական առաջընթացի ու միջազգային ինտեգրման արտահայտված ձգտմամբ պետություն է»,- հայտնել է Օլեգ Եսայանը, գրում է ռուսական «Կրասնայա Զվեզդա» թերթը: