Կոլեկտիվ անվտանգության պայմանագրի կազմակերպության գլխավոր քարտուղար Նիկոլայ Բորդյուժան կմասնակցի Նյու Յորքում կայանալիք ՄԱԿ-ի Գլխավոր վեհաժողովի 65-րդ նստաշրջանին: «ՀԱՊԿ-ն կարևորում է անվտանգության և կայունության ապահովման խնդիրների բաց քննարկումը միջազգային մակարդակով: Այդ առումով ՄԱԿ-ի հարթակը լավագույններից մեկն է»,-հայտարարել է Բորդյուժան:

ՄԱԿ-ի ԳՎ-ն կքննարկի ՄԱԿ-ի և ՀԱՊԿ-ի միջև համագործակցության մասին բանաձևի կատարումը: Նիկոլայ Բորդյուժան կմասնակցի նաև սեպտեմբերի 23-ին Նյու Յորքում կայանալիք ՀԱՊԿ անդամ երկրների ԱԳ նախարարների ոչ պաշտոնական հանդիպմանը, հայտնում է ՀՀ-ում ՀԱՊԿ ազգային ներկայացուցչության մամլո ծառայությունը: