«Կոնվերս բանկը» VISA քարտեր կտրամադրի դրամական փոխանցում կատարող բոլոր հաճախորդներին

23 սեպտեմբերի 2010 - 17:36 AMT

PanARMENIAN.Net - Հայկական «Կոնվերս բանկը» սեպտեմբերի 22-ից մինչև դեկտեմբերի 31-ը բոլոր արագ դրամական փոխանցումների համակարգերով փոխանցում կատարող հաճախորդներին առաջարկում է անվճար VISA ELECTRON և VISA CLASSIC վճարային դեբետային քարտեր: Ինչպես հաղորդում է «Կոնվերս բանկի» մամլո ծառայությունը, բոլոր արագ դրամական փոխանցումների համակարգերով 100-ից մինչև 500 ԱՄՆ դոլար/ԵՎՐՈ կամ դրանց համարժեք փոխանցում ստացող և ուղարկող հաճախորդներին բանկն անվճար կտրամադրի VISA ELECTRON քարտ, իսկ 500 և ավելի ԱՄՆ դոլար/ԵՎՐՈ կամ դրանց համարժեք արտարժույթի դեպքում կտրամադրվի VISA CLASSIC քարտ: «Կոնվերս բանկը» ՓԲԸ-ն ներկայումս անդամակցում է MIGOM, MONEYGRAM, CONTACT, BLIZKO, LEADER, INTEREXPRESS, «Բիստրայա պոչտա», «Զոլոտայա կոռոնա» փոխանցման համակարգերին:

Բանկը հանդիսանում է ARCA, VISA վճարային համակարգերի լիիրավ անդամ, իսկ MASTERCARD վճարային համակարգի աֆիլիատ անդամ: Բանկն ավանդատու-հաճախորդների համար դեռևս մարտ ամսից սահմանել է քարտերի տրամադրման զեղչային համակարգ, համաձայն որի` ՀՀ դրամով 6 ամիս և ավելի ժամկետով ժամկետային ավանդ ներդնող հաճախորդներին ևս բանկը քարտի տրամադրումը և սպասարկումը իրականացնում է անվճար:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով