Խանտի Մանսիյսկում շարունակվում է Շախմատի օլիմպիադան: Սեպտեմբերի 23-ին տեղի ունեցան 3-րդ տուրի պարտիաները: Հայաստանի հավաքականի մրցակիցը Մակեդոնիայի հավաքականն էր, որին հայ շախմատիստները ջախջախեցին 4:0 հաշվով:
Հայ շախմատիստուհիները 2-րդ տուրում կրած պարտությունից հետո, որտեղ նրանք զիջեցին Չեխիայի հավաքականին, 4:0 հաշվով հաղթեցին մակեդոնացիներին:
Էլինա Դանիելյանը առաջին խաղատախտակի վրա հաղթեց Գաբրիելա Կոսկոսկուին՝ խաղալով սպիտակ ֆիգուրներով: 42 քայլից հետո Լիլիթ Մկրտրչյանը հաղթեց Կատերինա Ենոսկուին: Հաջող հանդես եկավ նաև Անահիտ Խառատյանը, որն առաջին անգամ մասնակցելով Օլիմպիադային, միավոր բերեց իր թիմին՝ հաղթելով Բոյանա Բոյատովիչին, իսկ Լիլիթ Գալոյանը հաղթեց Մոնիկա Ստոյկովսկուն:
Սա Հայաստանի հավաքականի երկրորդ հաղթանակն է: