Սեպտեմբերի 25-ին Խանտի Մանսիյսկում տեղի կունենա Շախմատի համաշխարհային օլիմպիադայի 5-րդ տուրը: Այս տուրում ՀՀ տղամարդկանց հավաքականը կխաղա Ռուսաստանի երկրորդ հավաքականի հետ, որը չի կրել ոչ մի պարտություն և 8 միավորով մրցաշարային աղյուսակի առաջատարն է: Հայաստանի հավաքականը ևս միայն հաղթանակներ է գրանցել իր հաշվին, սակայն լրացուցիչ արդյունքներով Օլիմպիադայում զբաղեցնում է 7-րդ տեղը:
Կկայանան հետևյալ պարտիաները՝ Լևոն Արոնյան-Յան Նեպոմնյաշի, Վլադիմիր Հակոբյան-Եվգենի Ալեքսեև, Գաբրիել Սարգսյան-Նիկիտա Վիտիուգով և Արման Փաշիկյան-Արտյոմ Տիմոֆեև:
ՀՀ կանանց հավաքականն այս տուրում կհանդիպի Հունաստանի հավաքականի հետ: Էլինա Դանիելյանը կխաղա Էլենա Դեմբոյի, Լիլիթ Մկրտչյանը՝ Աննա Մարիա Բոցարի, Լիլիթ Գալոյնը՝ Մարինա Մարկուպուլոյի, իսկ Նելլի Աղինյանը՝ Վերա Պապադոպուլոյի հետ:
Հայ շախմատիստուհիները 6 միավորով 12-րդ տեղում են: