«Վերելք» պատանեկան միության նպատակը հայ երիտասարդության շրջանում հայրենասիրության դաստիարակումն է, ազգային բանակի, ուսման նկատմամբ ձգտման սերմանումը»,- հայտարարել է «Վերելք» պատանիների միության նախագահ Հայկ Ավագյանը սեպտեմբերի 29-ին մամլո ասուլիսում: Նրա խոսքերով, այսօր բազում հայ երիտասարդներ դպրոցն ավարտելուց հետո ձգտում են լքել հայրենիքը: Նրանք չեն ցանկանում շարունակել կրթությունը բուհում և ծառայել բանակում: Դրա դեմ պայքարելու համար միության երիտասարդները նախատեսում են անցկացնել կրթական և բարոյադաստիարակչական զրույցներ, մշակութային միջոցառումներ և զանգվածային ակցիաներ:

«Վերելքը» հիմնվել է 2008-ին, սակայն ակտիվ գործունեություն է ծավալել միայն 2010-ի գարնանը: Միության անդամներ կարող են դառնալ 16-18 տարեկան երիտասարդները: