«Արմավիան» հասավ նաև Անգլիա

30 սեպտեմբերի 2010 - 13:56 AMT

PanARMENIAN.Net - Սեպտեմբերի 28-ին տեղի է ունեցել «Արմավիա» ընկերության Երևան-Բիրմինգեմ-Երևան չվերթի բացումը: «Մենք շարունակում ենք ուղղությունների ավելացման քաղաքականությունը և Երևան-Բիրմինգեմ-Երևան չվերթի բացումը պետք է Եվրոպան կապի Ասիայի և Մերձավոր Արևելքի հետ»,-ասել է «Արմավիայի» գլխավոր տնօրեն Նորայր Բելլույանը:

Նա նաև նշել է, որ ընկերության՝ Երևանը տարանցիկ քաղաքի վերածելու ռազմավարության շրջանակներում այդ չվերթը թույլ կտա Հնդկաստանից Երևանով հասնել Բիրմինգեմ, որտեղ մեծ համայնք կա: Ըստ գլխավոր տնօրենի, նոր չվերթը կնպաստի Հայաստանի կապերի զարգացմանը Անգլիայի երկրորդ արդյունաբերական քաղաքի հետ տնտեսության, զբոսաշրջության և մշակույթի ոլորտներում: Այնտեղ զարգացած է սննդարդյունաբերությունը, մեքենաշինությունը, մետալուրգիան:

Բիրմինգեմի օդանավակայանում չվերթի բացման պաշտոնական արարողության ժամանակ օդանավակայանի փոխտնօրեն Փոլ Քիերը կարևորել է այդ ուղղությունը, որը կապող օղակ կհանդիսանա Եվրոպայի ու Ասիայի միջև:

Այս տարի «Արմավիան» ուղիղ չվերթեր է բացել դեպի Դելի, Թել Ավիվ, Թեհրան, Բարսելոնա, շուտով սպասվում է Երևան-Պեկին-Երևան չվերթի բացումը:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով