Հայաստանի կառավարությունը սեպտեմբերի 30-ին Իջևանում (Տավուշի մարզ) կայացած արտագնա նիստում հավանություն է տվել երկրի 2011թ. պետական բյուջեի նախագծին։ Կառավարության ղեկավար Տիգրան Սարգսյանը նշել է, որ Հայաստանը հաղթահարել է ճգաժամը։ Կառավարության ձեռնարկած միջոցներն ուղղվելու են տնտեսության զարգացման կայուն տեմպերի ապահովմանը: «Դա թույլ կտա հնարավոր սեղմ ժամկետում վերադառնալ նախաճգնաժամային տնտեսական բարձր աճին.,- ընդգծել է նա:

Օրենքի նախագծով 2011թ. ՀՀ պետական բյուջեն առաջարկվում է հաստատել եկամուտների գծով` 850.0 մլրդ դրամ, ծախսերի գծով` 998.6 մլրդ դրամ, դեֆիցիտը` 148.6 մլրդ դրամ։ Վարչապետ Տիգրան Սարգսյանի խոսքով բյուջեի նախագիծը համակողմանիորեն քննարկվել է տարբեր ատյաններում, այն համահունչ է կառավարության որդեգրած տնտեսական քաղաքականությանը։ Քննարկման արդյունքներն ամփոփվել են ՀՀ նախագահի մոտ։

«Նախագահի առաջարկությամբ 10.0 մլրդ դրամով ավելացվել է բյուջեի նախագծի ծախսային մասը։ Այժմ ամեն բան կախված է ընթացիկ տարվա ամփոփումից»,- ավելացրել է նա: Ընդ որում, գործադիրի ղեկավարի կարծիքով, հաջորդ տարին լարված աշխատանքի ժամանակաշրջան է լինելու