Թուրք ազգայնամոլները, նամազ անելով Անիի ավերակներում , ոտնակոխ արեցին հոգևոր արժեքները: Այդ քայլը իսկական սրբապղծություն է: Այդ մասին գրում է Բեյրութում լույս տեսնող «Ազդակ» թերթի գլխավոր խմբագիր Շահան Քանդահարյանը: Ըստ նրա, թուրք ազգայնականների ակցիան ուղղված է ոչ միայն հայերի, այլ նաև աշխարհի բոլոր քրիստոնյաների դեմ:
«Անկասկած, նամազն Անիում և պատարագը Աղթամարի Սբ Խաչում, իսկ հետո խաչի տեղադրումը այդ եկեղեցու գմբեթին, պատահական իրադարձություններ չեն: Պետք չէ մոռանալ, որ Թուրքիայի ներկայիս իշխանությունները իսլամիստական են և օգտագործում են կրոնական գաղփարները քաղաքական նպատակով: Շահան Քանդահարյանը ափսոսանքով նշում է, որ Անկարայի խաղը հայ մշակույթի արժեքների վերականգնման վերաբերյալ, շարունակվում է բացառապես թուրքական կողմի թելադրած կանոններով: Հայկական կողմից դեռևս նախաձեռնություն չկա, հակառակ դեպքում մենք ընդվզման ալիքի նախանշաններ կտեսնեինք քրիստոնեական աշխարհում»: