  ԵՀՄՖ նախագահությունը շնորհակալության խոսք է ուղղել «EuroNews»-ի տնօրինությանը  4 հոկտեմբերի 2010 - 20:30 AMTPanARMENIAN.Net - Եվրոպայի Հայկական Միությունների Ֆորումի (ԵՀՄՖ) նախագահությունը շնորհակալության խոսք է ուղղել «EuroNews»-ի տնօրինությանը` բարձր գնահատելով Անիի հայկական եկեղեցու պատերի ներքո թուրք ազգայնամոլների կողմից կազմակերպված նամազի կատարման ակտի շուրջ «EuroNews»-ի կատարած ճշմարտացի տեղեկատվությունը: Ըստ ԵՀՄՖ-ի նախագահ ԱշոտԳրիգորյանի, «EuroNews»-ը ոչ միայն նշեց, որ սահմանի ապաշրջափակումը վերացնելու փոխարեն թուրքերը նոր սադրանքներ են կազմակերպում, այլև շատ թափանցիկ ակնարկ հղեց Թուրքիային` ցուցադրելով քարտեզի վրա Հայաստանի գույներով ներկված Արարատի շրջակա տարածքը` ներառելով ողջ Սուրմալուի գավառը: Ըստ ԵՀՄՖ-ի, սա Եվրոպայի Տնտեսական ֆորումում սլովակ հայտնի քաղաքական գործիչ Ֆրանտիշեկ Միկլոշկոյի ելույթի առաջին արձագանքն էր «EuroNews»-ի կողմից: Խոսքն Արարատ լեռն իր շրջակայքով Հայաստանին վերադարձնելու պահանջի մասին է, որը շրջանառության մեջ դրվեց Եվրոպայի այսպիսի բարձրակարգ ֆորումում և այն ունեցավ տարբեր արձագանքներ եվրոպական ԶԼՄ-ների կողմից: Ըստ ԵՀՄՖ-ի, որքան Թուրքիան կզարգացնի իր ազգայնամոլական քաղաքականությունն, այնքան ԵՄ-ի կողմից ռեակցիան կլինի ուժգին: Այս տարրական ճշմարտությունը հասկանալու համար ԵՀՄՖ-ի նախագահը Թուրքիայի իշխանություններին խորհուրդ է տալիս ուսումնասիրել վերջին տասնամյակում ԵՄ-ին անդամակցված երկրներում ազգայնամոլական կուսակցությունների նկատմամբ ԵՄ-ի կողմից վարված քաղաքականությունը: ԵՄ-ին անդամակցված երկրները մինչև հիմնովին չեն վերացրել ծայրահեղական, ազգայնամոլական հենքի վրա գործող կուսակցություններին, չեն անդամակցվել ԵՄ-ին: Ի պատասխան թուրք ազգայնամոլների հայտարարում ենք, որ Եվրոպայի հայկական լոբինգն ավելի է մեծացնելու բոլշևիկների կողմից առանց որևէ հիմքի ու բացատրության Արևելյան Հայաստանի հարավային գավառները Թուրքիային տալու փաստի դեմ պայքարը` պահանջելով հետ վերադարձնել հայկական երեքհազարամյա հողերն իր իսկական տիրոջը: Ըստ Աշոտ Գրիգորյանի, հասունացել է այն պահը, որ Թուրքիայի առջև պետք է դրվեն իրավաբանորեն հիմնավորված տարածքային պահանջներն ամբողջ խստությամբ` համոզված, որ այն լիովին սատարվելու է եվրոպական հանրության կողմից, և այս խնդրին խիստ օգնելու է թուրքական իշխանությունների կողմից վարվող մերժողական քաղաքականությունը, հաղորդում է ԵՀՄՖ մամլո քարտուղարությունը:   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   |  Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նաՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |
