2011 թվականին կբարձրացվեն գիտության և մշակույթի գործիչների աշխատավարձերը

6 հոկտեմբերի 2010 - 17:34 AMT

PanARMENIAN.Net - 2011 թվականի պետբյուջեով նախատեսվում է բարձրացնել գիտության և մշակույթի գործիչների աշխատավարձերը, հոկտեմբերի 6-ին հայտարարել է ֆինանսների նախարար Տիգրան Դավթյանը: «Գիտնականների աշխատավարձը կբարձրանա 12 տոկոսվ, որի համար բյուջեով կհատկացվի շուրջ 1 մլրդ դրամ, իսկ մշակույթի գործիչներինը՝ 15 տոկոսով»,-ասել է նա: Ընդ որում, նախարարը հավելել է, որ ուսուցիչների աշխատավարձը կբարձրանա հաշվարկային համակարգով:

Ներկայացնելով 2011թ. պետբյուջեն Տիգրան Դավթյանն ասել է, որ բյուջեի ծախսային մասը կազմում է 998, 6 մլրդ դրամ, ինչը 63 մլրդ դրամով ավելի է 2010թ. ցուցանիշից: Պետբյուջեի ընթացիկ տարվա ծախսերը կկազմեն 834 մլրդ դրամ, իսկ կապիտալ ծախսերը՝ 163 մլրդ դրամ: «Բյուջեի լրացուցիչ ծախսերի առյուծի բաժինը կունենա սոցիալ-մշակութային ուղղվածություն»,-ասել է նա: Ծախսերի մեծ մասը կուղղվի աղետի գոտու վերականգնմանը, դպրոցների կապիտալ շինարարությանը, առողջապահության ոլորտի ֆինանսավորմանը:

Ինչպես ասել է Տիգրան Դավթյանը, կենսաթոշակների վճարման համար կհատկացվի բյուջեի 20 տոկոսը, ավելին, կառավարությունը կշարունակի փոխհատուցել խորհրդային տարիների «սառեցված» ավանդները, որի համար կհատկացվի 1,6 մլրդ դրամ: 2011թ. կավելանան նաև պաշտպանական ծախսերն ու աջակցությանը չափը ԼՂՀ-ին:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով